Ndërmjet fshatit dhe qytetërimit global, Artan Fuga, Zyhdi Dervishi

Titulli: Ndërmjet fshatit dhe qytetërimit global
Origjinali: Ndërmjet fshatit dhe qytetërimit global
Gjinia: Shkenca sociale
Autori: Artan Fuga, Zyhdi Dervishi
Shtëpia botuese: Dudaj
Viti: 2010
Fq. 268
Pesha: 0.301 kg.
ISBN: 978-99943-0-185-0

Mbi librin

Ky libër – një sprovë për të vatërzuar në kamerën e analizës sociologjike profilet kryesore të problematikës komplekse të integrimit të të rinjve adoleshentë të fshatrave shqiptare në hapësirat socialkulturore kombëtare dhe të vendeve të tjera në rrjedhën e zhvillimeve plot dilema e sfida pas vitit 1990. Cilat janë mangësitë dhe prirjet kryesore të arsimimit të brezit të ri?

Shkolla e mesme funksionon më shumë si "laborator" i përgatitjes profesionale apo si agjenci shoqërizimi? Pse shumica e të rinjve dhe të rejave orientohen kah shkencat shoqërore e poezia, ndërkohë që për të përvetësuar arritjet tekniko-teknologjike lipset të afrohen më shumë me shkencat natyrore? Pse vajzat nga fshati janë më të pritura se djemtë të ngjiten në "shkallët e arsimimit universitar"?

Vlerat kulturore që formësojnë vetëdijen e adoleshentëve nga fshati e lehtësojnë apo e frenojnë procesin e ndërlikuar të integrimit të tyre në qytetet shqiptare apo në shoqëritë e vendeve më të urbanizuara të Perëndimit ku emigrojnë? Çfarë stresesh përjetojnë adoleshentët që i kanë "këmbët në baltën" e fshatit, ndërsa "sytë e mendjes e të zemrës" në qytete?

Cilat janë "ilaçet" kryesore që shërojnë "sëmundjet sociale" të tilla? Këto dhe mjaft çështje të tjera rilevohen në faqet e këtij libri, të përthyera në analizat konkrete të realitetit të disa fshatrave nga më përfaqësueset të subkulturave shqiptare, të cilat janë "ekzaminuar" drejtpërdrejt nga autorët.