Titulli: Opiumi i intelektualëve
Origjinali: L'Opium des intellectuels
Gjinia: Filozofi
Autori: Raymond Aron
Shqipëroi: Asti Papa
Shtëpia botuese: Dituria
Viti: 2005
Fq. 344
Pesha: 0.301 kg.
ISBN: 978-99927-59-71-2
Mbi librin
Opiumi i intelektualëve i Raymon Aronit – perifrazim i shprehjes së famshme të Karl Marksit "feja është opiumi i popullit" – është një polemikë e mprehtë e paracaktuar të nxisë diskutime, ashtu sikurse ndodhi kur u botua për herë të parë në vitet 1950, në një epokë kur joshja e së majtës, marksizmit dhe komunizmit, ishte veçanërisht e fortë edhe midis intelektualëve europianë – posaçërisht në Francë – dhe në një sërë vendesh të kontinenteve që kishin nisur të kapërcenin gjendjet koloniale apo gjysmëkoloniale.
Ç'janë e majta dhe e djathta, revolucioni dhe ideologjitë, cili është misioni i proletariatit në të ardhmen e shoqërive njerëzore? A është modeli sovjetik dhe i demokracive popullore që lindën pas Luftës së Dytë Botërore pararendës i zhvillimit të natyrshëm dhe të domosdoshëm? Cila është pozita e inteligjencies në Francë, Angli, ShBA dhe në vendet e Azisë e Afrikës në marrëdhënie me ideologjinë e kohës?
Përgjigjet e Aronit - një nga autorët më të njohur të shekullit - janë fryt i një analize polemike të teorisë marksiste dhe të përvojave të kohës së tij dhe u hapin rrugë parashikimeve që koha përgjithësisht u dha të drejtë. Sociologët, politologët dhe përgjithësisht lexuesit e interesuar do të çmojnë tek Opiumi i intelektualëve freskinë e një debati që mbetet i hapur dhe në ditët tona.
