Titulli: Adam Smith, Pasuria e kombeve
Gjinia: Kritika
Autori: Helen Winter, Thomas Rommel
Shqipëroi: Valentina Kazanxhi
Shtëpia botuese: Ideart
Viti: 2006
Fq. 248
Pesha: 0.255 kg
ISBN: 978-99943-43-01-7
Mbi librin
Me emrin e Adam Smithit, në përgjithësi, lidhen tre koncepte: dora e padukshme, ndarja e punës dhe liberalizmi ekonomik. Por shpesh anashkalohet fakti se Adam Smithi ishte një filozof i rëndësishëm etik, i cili në radhë të parë studionte natyrën njerëzore, duke këqyrur njëkohësisht ekonominë politike.
Smithi është një shkrimtar i përkorë dhe i këndshëm, një filozof i mprehtë dhe ironik, por gjithnjë shumë i prerë që nuk mund të rrijë pa i shprehur kritikat e tij në mënyrë të tillë që budallallëku dhe padija të demaskohen vetiu. Kjo e vendos atë në traditën e gjatë të iluminizmit anglez.
Vepra "Për thelbin dhe për shkaqet e pasurisë së kombeve", e njohur gjerësisht me titullin "Pasuria e kombeve", në të vërtetë është një shqyrtim tej mase i gjerë i cilësive njerëzore, e vlerave morale dhe e shkaqeve, por në të njëjtën kohë është edhe një zbërthim i kujdesshëm i parimeve që rregullojnë veprimet e shoqërisë. Janë të pakta veprat shkencore që kanë ushtruar ndikim kaq jetëgjatë te bashkëkohësit dhe tek brezat e ardhshëm.
Ky studim i gjerë nuk është vetëm Bibla e shkencës moderne ekonomike, por mbi të gjitha, është një studim për temën e së mirës së individit dhe mbi mundësitë për liri e drejtësi brenda një bashkësie. Vepra "Pasuria e kombeve" mund të vlerësohet si një nga shtyllat e mendimit politik – ekonomik.
