Economicus, Turizmi, ku po shkon, nr. 4

Titulli: Economicus, Turizmi, ku po shkon, nr. 4
Origjinali: Economicus, Turizmi, ku po shkon, nr. 4
Gjinia: Revistë shkencore
Kryeredaktor: Adrian Civici
Shtëpia botuese: UET Press
Viti: 2009
Fq. 231
Pesha: 0.395 kg

Koment nga Adrian Civici

Revista "Economicus" është një botim me karakter shkencor dhe informativ i Fakultetit të Ekonomisë të Universitetit Europian të Tiranës. Qëllimi kryesor i saj është pasqyrimi i realiteteve, arritjeve dhe sfidave të reja në fushën e zhvillimeve ekonomike, financiare e sociale në Shqipëri dhe në botë, nxitja e kërkimit, debatit shkencor dhe propozimeve efektive në këto fusha.

Në mënyrë të veçantë revista "Economicus" synon krijimin e një forumi aktiv të mendimit ekonomik në Shqipëri, synon angazhimin më të gjerë e më konkret të gjithë komunitetit të ekonomistëve e financierëve shqiptarë në Shqipëri apo jashtë saj në trajtimin e problematikës së zhvillimit ekonomiko – social, financave publike dhe tregjeve financiare në përgjithësi, stabilitetit makroekonomik, politikave ekonomike e financiare, zhvillimit social e territorial, kredisë dhe bankave, sistemeve të sigurimeve dhe pensioneve, çmimeve dhe inflacionit, efektet dhe kërkesat në kuadrin e integrimit evropian, ndikimet dhe përballja me zhvillimet e ekonomisë botërore dhe globalizimit etj.

Një vend të rëndësishëm në përmbajtjen e saj do të kenë analizat për eksperiencat bashkëkohore ndërkombëtare në fushën e politikave ekonomike e sociale, trajtimi teorik e aplikativ i ideve, debateve e politikave më të mira në fushat e sipërpërmendura etj. Ekonomistët më të shquar të botës dhe analiza e teorive dhe kontributit të tyre në shkencat ekonomike do të jetë një tjetër rubrikë e përhershme në faqet e revistës "Economicus".

Pedagogë, kërkues të shkencave ekonomike të Universitetit Europian të Tiranës apo të universiteteve të tjera publike dhe private, studiues dhe ekspertë të institucioneve të ndryshme që në fokusin e tyre kanë ekonominë, financat dhe zhvillimin në përgjithësi janë të ftuar ta përdorin këtë revistë për të publikuar idetë dhe studimet e tyre, për të debatuar apo për të hedhur pikëpamje të reja në debatin ekonomik bashkëkohor.

Mbi revistën

Në këtë numër janë paraqitur artikujt: "Politikat strategjike për zhvillimin e turizmit në Shqipëri" të Elton Notit; "Politikat e turizmit rural dhe promovimi i destinacioneve turistike" të Antonella Capriello; "Ndihma e statistikës në politikat dhe zhvillimin e turizmit" të Fatmir Memaj, Eglantina Zykës dhe Elena Tomorit; "Pasojat e përdorimit jo – efektiv të tokës në sektorin turistik" të Fatmir Gurit, Natasha Hodaj, Jolanda Xhemalit dhe Elena Kokthit; "Efekti i turizmit në rritjen e qëndrueshme ekonomike, përqasje statistikore" të Jonel Kristos; "Vlerësimi i efekteve ekonomike të shok – ut global bankar gjatë krizës aktuale" të Arjan Kadarejas; "Efektet e krizës aktuale, analizë e rregullave të politikës monetare" të Jolta Kaçanit; "Efektet e karakteristikave të patentave në ndryshimin e pronësisë së tyre, një studim empirik" të E. Gjonças dhe A. Yiannaka; "Fundi i konceptit ekonomik në qarkullimin e lirë të personave në BE" të Erjon Canajt; "Reformat financiare në Republikën Çeke, shembull për vendet e Europës Lindore" të Gelardina Prodanit; "Modeli ekonomik i transformimit të monumenteve historiko – kulturore në objekte turistike" të Luljeta Minxhozit dhe Evis Gjebreas; "Turizmi kulturor në Shqipëri dhe hapësira e tij mesdhetare" të Kreshnik Bellos, Jonida Këllezit, Alba Papallazos dhe Ted Oelfke; "Promocioni, element i rëndësishëm i strategjisë së turizmit" të Leonard Agoras dhe Artur Temos; "Turizmi rural në Shqipëri, modele dhe sfida" të Shkëlzen Markut dhe Tomi Treskës; "Optimizmi i investimeve energjetike në zonat turistike" të Ermela Kripës dhe Aranit Shkurtit; "Turizmi kulturor e arkeologjik, roli i tij në zhvillimin ekonomik të Durrësit" të Enika Abazit; "Zhvillimi i turizmit të qëndrueshëm në Shkodër" të Nevila Xhindit dhe Wilfried Heller; "Tirana, një realitet i prekshëm për zhvillimin e turizmit" të Orjana Zotos, Atlinda Hotit dhe Areta Allamanit; "Udhëtimi jashtë vendit dhe faktorët kulturorë dhe psikografikë, rasti i Shqipërisë dhe i Maqedonisë" të Jovan Stojanoskit, Klime Poposkit dhe Liljana Elmazit; "Promovimi i turizmit në Greqi" të Eleni Skarvelit, "Cilësia e shërbimeve dhe marketingu i brendshëm, rast i hoteleve bregdetare" të Evelina Bazinit dhe Liljana Elmazit; "Turizmi mjekësor" të Elona Shehut dhe Jonilda Hoxhës; "Sfida dhe probleme të sistemit të thesarit në Ministrinë e Financare" të Ani Sharkos dhe "Marrëveshja e Stabilizim – Asocimit ndërmjet BE – së dhe Shqipërisë, pasojat e saj mbi bujqësinë dhe turizmin" të Alban Pllahas.