E vërteta ime, Hillary Rodham Clinton

Titulli: E vërteta ime
Origjinali: What happened
Gjinia: Biografi, kujtime
Autori: Hillary Rodham Clinton
Shqipëroi: Taulant Hatia
Shtëpia botuese: Botimet Living
Viti: 2019
Fq. 468
Pesha: 0.518 kg.
ISBN: 978-9928-216-53-3

Mbi librin

Për herë të parë, Hillari Klinton rrëfen përjetimet e saj gjatë një prej zgjedhjeve më kontroverse dhe të paparashikueshme në histori. Tanimë, e lirë nga çdo trysni, ajo flet për një garë presidenciale të mbushur me zemërim, seksizëm, ulje-ngritje të pazakonta dhe një kundërshtar, i cili shkeli të gjitha rregullat e garës.

Në këtë libër, ajo tregon se ç’do të thotë të garosh kundër Donald Trampit, cilat ishin gabimet e saj, si e përballoi ajo atë humbje shkatërruese dhe si gjeti fuqi të mblidhte veten e të shihte përpara për të ardhmen; ç’sfida duhet të kalojë një grua për t’u shfaqur e fortë në sy të publikut të gjerë, kritikat për zërin, moshën dhe pamjen e saj, por, mbi të gjitha, për standardet e dyfishta me të cilat përballet një grua në politikë.

Zgjedhjet e vitit 2016 në Amerikë u shënjuan nga një sulm i paprecedent në demokracinë e vendit, nga një kundërshtar i huaj. Duke analizuar faktet dhe duke vënë pikat mbi “I” Hillari Rodham Klinton tregon se sa i rrezikshëm ishte ai dhe pse Amerika duhet të dijë t’i mbrojë vlerat e demokracisë për të ardhmen.