Titulli: Pushkini në kulturën ruse
Gjinia: Biografi
Autori: Leonid Grossman
Përktheu: Eshref Ymeri
Shtëpia botuese: Bota Shqiptare
Fq. 574
Pesha: 0.698 kg.
ISBN: 978-9928-00-101-6
Mbi librin
Ky libër është një jetëshkrim i Pushkinit, i cili parashtrohet në formën e kronikës biografike, bazuar në analet politike dhe në historinë e letërsisë së kohës së tij. Historia e jetës së shkrimtarit të madh trajtohet në lidhje të drejtpërdrejtë dhe të pandashme me veprimtarinë e tij artistike, si një bazë e shëndoshë e trashëgimisë së tij letrare, e cila njihet nga mbarë bota.
Detyrën që i kemi ngarkuar vetes, do ta quanim të kryer relativisht, nëse do të arrinim, qoftë edhe sadopak, të shprehnim atë dashuri të pafund që pati ndezur figura harmonike e poetit fisnik në zemrat e popullit të tij të madh, i cili hyri në një epokë të re historike. Vetëm epoka jonë e ndjeu dhe e shprehu plotësisht tërë rëndësinë e jashtëzakonshme të artistit gjenial për vendin e tij, të cilën vetëm për së largu e patën ndier bashkëkohësit e tij më të mirë.
"Pushkini ishte jehonë e brezit të tij, me të gjitha mangësitë dhe me të gjitha virtytet që ky mbartte, - pati shkruar dekabristi Jakushkin, - dhe prandaj kjo, ndoshta, është dhe arsyeja që poeti ishte me të vërtetë popullor, si askush tjetër deri atëherë në Rusi".
Përçues i shquar i fateve historike dhe i kulturës së popullit të vet, që e pagoi me një fat tragjik misionin e tij të lartë, si shkrimtar rus - ja, i tillë shfaqet Pushkini nga dokumentet e kohës së vet, i tillë ngrihet para syve tanë në epokën që po jetojmë, dhe të tillë mundohet ta pasqyrojë edhe jetëshkrimi në fjalë që po u paraqitet lexuesve.
Mbi autorin
Monografia jetëshkrimore "Pushkini në kulturën ruse" që po u vihet në dorë lexuesve, është vepër e Leonid Petroviç Grossmanit (1888-1965), penës së të cilit i përkasin shumë punime të kësaj gjinie.
Ndër veprat e tij, mund të përmendim monografitë që ka botuar edhe për Turgenjevin, Dostojevskin, Leskovin, Suhovo-Kobilin, si edhe studimet për Balzakun (sa i njohur ka qenë në Rusi), "Nga Pushkini deri te Blloku", "Lufta për stilin", "Reparti i penës", "Tre bashkëkohës". Grossmani, veç të tjerash, ka botuar edhe një sërë artikujsh studimorë për Gorkin, Romen Rolanin, Anri Barbysin, Majakovskin, Lui Aragonin etj. Ai, gjithashtu, është i njohur edhe si autor romanesh biografikë dhe punimesh të ndryshme kushtuar teatrit rus.
