Dashuria e fundit e Franc Kafkës, Kathi Diamant

Titulli: Dashuria e fundit e Franc Kafkës, misteri i Dora Diamantit
Origjinali: Kafka's last love: The mystery of Dora Diamant
Gjinia: Biografi
Autori: Kathi Diamant
Shqipëroi: Perikli Jorgoni
Shtëpia botuese: Bota Shqiptare
Viti: 2014
Fq. 508
Pesha: 0.601 kg.
ISBN: 978-9928-00-089-7

Mbi librin

Në këtë histori tërheqëse, Kathi Diamant hedh dritë mbi gruan e mrekullueshme që i rrëmbeu zemrën Kafkës dhe i mbajti ndezur zjarrin e krijimtarisë letrare për shumë vite. Kjo ishte Dora Diamanti, një shpirt i pavarur që u largua nga familja e saj polake me origjinë hebreje për të ndjekur ëndrrën sioniste, i mbushi mendjen Kafkës të largohej nga prindërit e të shkonte të jetonte bashkë me të në Berlin vitin e fundit të jetës së tij.

Mbështetur në burime origjinale dhe intervista, përfshi edhe materiale të pabotuara më parë nga arkivat e Kominternit dhe të Gestapos si dhe në ditarin e sapozbuluar të Dorës, "Dashuria e fundit e Franc Kafkës" nxjerr në dritë tipin e "bashkëshortes" që, njësoj si Vera Nabukov apo Nora Xhojs, është njëherësh edhe një grua e shkëlqyer dhe e veçantë.

Historia e Franc Kafkës njihet nga të gjithë, po jo e Dora Diamantit. Ajo, siç e tregon titulli, ishte dashuria e tij e fundit kurse autorja, drejtore e Projektit Kafka në Universitetin e San Diegos, ka ndjekur me përpikëri gjurmët e personazheve përmes letrave e dokumenteve private si dhe arkivave të reja të ish bllokut sovjetik. Dora (1898-1952) dhe Kafka u takuan për herë të parë buzë Detit Baltik, kurse ajo u tërhoq menjëherë nga zgjuarsia dhe ndjeshmëria e tij e madhe.

Kurse Kafkën e tërhoqi gjallëria e 25 vjeçares hebreje nga Polonia që ishte larguar nga familja për t'u bashkuar me rrymat intelektuale të Gjermanisë së Vajmarit. Për shkak të njohurive të mira të gjuhës dhe traditave hebreje, ajo i dukej Kafkës si një person që mund të ngjallte brenda tij atë fe të cilën familja e tij nuk e praktikonte më.

Autorja përshkruan me hollësi vitin që jetuan dy të dashuruarit së bashku në Berlin, por më interesant është rrëfimi i Dorës dhe familjes së saj të madhe pas vdekjes së Kafkës në vitin 1924. Aty tregohen përpjekjet e një gruaje për ta mbajtur gjallë flakën e Kafkës, pavarësisht largimit, luftës e trysnive politike. Shumë të afërm të saj vdiqën gjatë Holokaustit.

Thesari i saj i çmuar, ditarët e Kafkës, u morën nga Gestapoja dhe nuk u gjetën më kurrë. Për 15 vjet me radhë burri i saj, pasi kaloi mjaft vite në burgjet naziste dhe gulaget sovjetike, jetoi në Berlinin Lindor, pa e ditur që Dora dhe vajza e tyre i mbijetuan luftës. Historia vazhdon me pasazhe nga Moska, Londra, San Franciskoja dhe Tel Avivi, pikat e largëta ku u shpërnda familja pas stuhisë fashiste, komuniste dhe Holokaustit. Libri shoqërohet edhe me mjaft fotografi.

Komente mbi librin

"Një libër i fuqishëm që të thyen zemrën."

Buffalo News

"Tërheqës . . . Kathi ka kryer një akt heroik duke treguar hap pas hapi historinë e jashtëzakonshme të Dorës."

Booklist

"Diamanti e ka trajtuar shkëlqyeshëm materialin dhe personazhet me gjithë ngjarjet e mira e të këqija që i shoqërojnë."

Jewish Times

"I rëndësishëm dhe plot vlera.... Historia e Dorës është historia e gjysmës së parë të shekullit të 20-të."

Houston Chronicle

"Prekës... Të lë plot mbresa... Mbush në mënyrë të mrekullueshme hendekun e kuptimit tonë për Kafkën."

Boston Globe

Mbi autoren

Kathi Diamant është drejtore e Projektit Kafka në Universitetin e San Diegos. Për pesëmbëdhjetë vjet me radhë u zhyt në historinë e Dora Diamantit, duke gjurmuar lëvizjet e saj nëpër Evropë dhe duke zbuluar arkiva të harruara e letra të humbura, duke kryer intervista me cilindo person të gjallë që e kishte njohur nga afër. Jeton në San Diego, Kaliforni.