Juta Hajm, një grua e panjohur në Berlin, Immanuel Mifsud

Titulli: Juta Hajm, një grua e panjohur në Berlin 

Origjinali: Juta Heim

Gjinia: Roman

Autori:Immanuel Mifsud

Shqipëroi: Evisa Ivanaj

Shtëpia botuese: Ombra GVG

Viti: 2020

Fq. 204

Pesha: 0.274 kg

ISBN: 978-9928-06-260-4

Fragment nga libri 

I ulur në kafen “Mokaba”, ai vështron rreth e qark duke përthithur zbrazëtirën e sheshit. Ndonëse është mars, vazhdon të ndjehet dimri. Ushtarë me uniforma të gjelbra ecin lart e poshtë, duke ndaluar para shatërvanit, ku disa njerëz diç lexojnë, me shikimin tre¬tur larg në horizont duke lëshuar shtëllun nga avulli. Nga Centrum Warenhaus njëra pas tjetrës dalin gra me çanta në sup, dhe ushtarët i studiojnë me kujdes kur ecin derisa hijet e tyre zhduken tërësisht. Erik Kseri nxjerr portofolin për të kontrolluar sa para ka dhe mendon se me ato mund të poro¬siste shumë më tepër nga çfarë ofronte menuja. Gruaja e re me flokë të verdhë, i afrohet dhe e pyet nëse do të merrte diçka.

- Një lëng portokalli dhe një gotë ujë.

Sytë e saj ngjajnë me dy statuja të brakti¬sura në një vend të hapur, të njëjtin vësh¬trim e kishte hasur poshtë në metro para se ta gjente veten në shesh... Edhe në pikën e kontrollit “Çarli”, ai kishte vënë re të njëjtin shikim në sytë e ushtarëve që i kishin kon¬trolluar pasaportën. Edhe atje qielli ishte gri dhe heshtja e rëndë.

- Në çfarë ore del nga puna?

Sytë e saj u zhytën në mendime ndërsa ai buzëqeshi me ëmbëlsi.

Mbi autorin

IMMANUEL MIFSUD, poet dhe shkrimtar, ka lindur në Maltë në vitin 1967. Mifsud është diplomuar në Universitetin e Maltës. Është doktor për Letërsinë dhe Teatrin Bashkëkohor dhe ligjërues në Universitetin Shtetëror të Maltës. Është fitues i shumë çmimeve të rëndësishme letrare:

2002 – Çmimi i Madh Kombëtar i Maltës për prozën më të mirë.

2002, 2015 – Çmimi i Madh Kombëtar i Maltës për poezinë më të mirë

2002, 2015 – Çmimi i Bashkimit Evropian për Letërsinë 2011 -...Veprat e Immanuel Mifsudit janë përkthyer dhe botuar në shumë gjuhë të botës.

Immanuel Mifsud është i vetëdijshëm mbi subjektet e veprave të tij, prandaj është vazhdimisht në kërkim të ideve dhe formave të reja të shprehjes. Prozat dhe poezitë e tij janë tërheqëse sepse në më të shumtën e krijimtarisë ai trajton problemet e bashkëkohësisë. Sipas Mifsudit roli i shkrimtarit nuk mund të jetë pozicioni soditës, vepra e tij nuk mund të konsiderohet vetëm për kënaqësitë estetike. Në të gjitha librat emeton me¬sazhe sociale edhe pse nuk është shkrimtar i angazhuar. Mungesën e ndikimit të letërsisë nga politika, ia dedikon ekskluzivisht babait.