Titulli: Qyteti i magjepsur, libri i dytë
Origjinali: Hollow City
Gjinia: Roman
Autori: Ransom Riggs
Shqipëroi: Agim Doksani
Shtëpia botuese: Pegi
Viti: 2015
Fq. 400
Pesha: 0.481 kg.
ISBN: 978-9928-200-34-1
Mbi librin
3 shtator, 1940. Dhjetë Fëmijë të Veçantë arrijnë t'i shpëtojnë një ushtrie shpirtzbrazëtish. Vetëm një njeri mund t'i ndihmojë fëmijët, por ajo ka mbetur e bllokuar në trupin e një zogu.
Udhëtimi i jashtëzakonshëm që zuri fill në librin "Sekreti i shtëpisë në ishull" vazhdon teksa Xhejkob Portman dhe shokët e tij marrin rrugën drejt Londrës, qyteti i veçantë i botës. Atje, ata shpresojnë të gjejnë shërim për njeriun më të dashur për ta, zonjushën Fajkoi.
Por në këtë qytet të shkatërruar nga lufta, në çdo cep fshihen të papritura të tmerrshme. Përpara se Xhejkobi t'i shpjerë fëmijët e veçantë në një vend të sigurt, ai duhet të marrë një vendim të rëndësishëm në lidhje me dashurinë e tij për Ema Blumin.
"Qyteti i magjepsur" i tërheq lexuesit në një botë e pasur imagjinare të telepatisë dhe ndërthurjes së rrathëve të kohës, me personazhe me aftësi të jashtëzakonshme, trajtëndryshuese, me fantazma, qenie të mbinatyrshme e kafshë që flasin.
Njësoj si romani i mëparshëm, edhe ky libër i dytë i serisë së Fëmijëve të Veçantë, përzien fantazinë drithëruese me fotografi të vjetra të pabotuara kurrë më parë, me qëllimin për të krijuar një përvojë leximi të papërsëritshme.
Koment nga School Library Journal
Për lexuesit e rinj të serisë, ky libër do të jetë kënaqësi e madhe... Për dashamirësit e librit të parë do të jetë thesar. I vetmi cen: duhet të presim librin e tretë për të mësuar se çfarë ndodh me Xhejkobin dhe shokët e tij të Veçantë.
Mbi autorin
Ransom Riggs ka lindur në Florida, është diplomuar në Kolegjin Kenyon dhe në Fakultetin e Kinemasë dhe Televizionit në Universitetin e Kalifornisë së Jugut. Jeton në Los Anxheles, ku xhiron filma me metrazh të shkurtër, shkruan libra dhe ka një blog të vetin. Është edhe fotograf, sidomos udhëtimesh. Është koleksionist i pasionuar fotografish.
