Bashkëkohore

Information

Botuesit

Speciale

Autorët

I ri Ulje çmimi! Ishulli i Dështimit, Ina Vëllçanova Shfaq të madhe

Ishulli i Dështimit, Ina Vëllçanova

Produkt i ri

Ishulli i Dështimit ka në qendër dy gra që tregojnë historitë e veta. Megjithëse thuajse nuk e njohin njëra-tjetrën, mes tyre ekziston një lidhje magjike: njëra prej tyre është astrologe amatore dhe lexon në horoskopin e tjetrës për dështimin që i kanoset asaj.

Më shumë detaje

$7.89

-20%

$9.86

Më shumë informacione

Titulli: Ishulli i Dështimit
Gjinia: Roman
Autori: Ina Vëllçanova
Shqipëroi: Rajna Kovaçi
Shtëpia botuese: Dituria
Viti: 2019
Fq. 180
Pesha: 0.277 kg.
ISBN: 978-9928-292-18-6

Mbi librin

Ishulli i Dështimit ka në qendër dy gra që tregojnë historitë e veta. Megjithëse thuajse nuk e njohin njëra-tjetrën, mes tyre ekziston një lidhje magjike: njëra prej tyre është astrologe amatore dhe lexon në horoskopin e tjetrës për dështimin që i kanoset asaj.

Secila nga gratë di vetëm historinë e vet dhe copëzat e rrëfimit: dy universe paralele, sa të ndryshme, aq edhe të ngjashme, duhet të përshtaten në një të vetme nga lexuesi, si në një puzzle.

Janë histori rreth grave, burrave, fëmijëve e maceve, si edhe një histori rreth ishullit të largët magjepsës, me sa duket ishulli kroat Krk në detin Adriatik, ku mund të ndodhë shkatërrimi apo dështimi i parashikuar nga yjet.

Historitë janë rreth tokës e detit, yjeve e diellit, dhomave e shtëpive; por kryesisht rreth marrëdhënieve njerëzore, impulseve, frustrimeve, dëshirave e realite-tit, dashurisë e tradhtive, rreth dëshirimit dhe pamundësisë për të çelur zemrën.

Romani spikat në sajë të shkrirjes së mprehtë të dy historive dhe dy personazheve femra në kërkim të identitetit të tyre, duke krijuar një simbol të ri ekzistencial. Duke depërtuar në qëndrimet e personazheve, syri vëzhgues, pena mjeshtërore e mendjehapur e autores futet thellë në rrethanat dhe mentalitetet në ndryshim e sipër në vendet e Europës Lindore të ditëve tona, duke na njohur në mënyrë mbresëlënëse me psikologjinë e kohës.

Nëse dështimi i parashikuar do të prekë personazhet apo jo, këtë lexuesi e zbulon në faqen e fundit të paparashikuar të librit. Elementi befasues është që rrëfimi nuk tregon aspak historinë e një dështimi.

Komente mbi librin

“Ishulli i Dështimit i Ina Vëllçanovës është një ngjarje e rëndësishme në skenën letrare bullgare. Rrëfimi i gjallë ndërthur një udhëtim në hapësirën fizike me një rrugëtim psikologjik dhe ndërton ura lidhëse mes ishujve të detit dhe ishujve të shpirtit.”

Bulgarian PEN Centre

“Nuk ndodh asnjë incident a dështim në ishullin Krk, në këtë libër, që është nga më interesantët që kam përkthyer. Një rrëfim i dy grave shumë të ndryshme, por dy variante të mundshme të vetvetes, dy prova të faktit së rrallë realitetit përkon me nocionet. Një libër që më rrëmbeu nga fjala e parë deri tek e fundit.”

Rajna Kovaçi, përkthyese

Reviews

Write a review

Ishulli i Dështimit, Ina Vëllçanova

Ishulli i Dështimit, Ina Vëllçanova

Ishulli i Dështimit ka në qendër dy gra që tregojnë historitë e veta. Megjithëse thuajse nuk e njohin njëra-tjetrën, mes tyre ekziston një lidhje magjike: njëra prej tyre është astrologe amatore dhe lexon në horoskopin e tjetrës për dështimin që i kanoset asaj.