Bija e varrmihësit, Joyce Carol Oates

Titulli: Bija e varrmihësit
Origjinali: The gravedigger's daughter
Gjinia: Roman
Autori: Joyce Carol Oates
Shqipëroi: Luljeta Lleshanaku 
Shtëpia botuese: Albas
Viti: 2016
Fq. 660
Pesha: 0.766 kg.
ISBN: 978-9928-02-652-1

Mbi librin

Për t'i shpëtuar përndjekjes naziste në Gjermaninë e vitit 1936, familja Shvart emigron në Shtetet e Bashkuara, në një qytezë në periferi të Nju Jorkut. Babai, një ish – mësues në shkollë të mesme, i nënshtrohet së vetmes punë që mund të gjejë: varrmihës dhe mbikëqyrës i varrezës.

Aktet e dhunshme raciste mbi familjen Shvart në Amerikën e vitit 1940 e vështirësojnë edhe më shumë mbijetesën e tyre. Paragjykimi total dhe brishtësia emocionale e vetë familjes Shvart çojnë në një tragjedi të paimagjinueshme, ku e bija e varrmihësit, Rebeka Shvart, mbetet jetime që e mitur.

Pas tragjedisë, ajo fillon aventurën e saj nëpër Amerikë, e përfshirë në një odise të jashtëzakonshme e të rrezikshme erotike, në një vorbull misteri dhe zbulimi të vetvetes. Por, teksa Rebeka përpiqet të gjejë rrugën e saj në shoqëri, duke fituar legjitimitet përmes martesës dhe mëmësisë, e shkuara, e ashpër dhe e pashmangshme, ndërhyn në një mënyrë a në një tjetër.

Bija e varrmihësit është romani i 36 – të i Joyce Carol Oates – it. Ngjarja e romanit është bazuar në jetën e gjyshes së saj. Oates – i shpjegon se vendosi të shkruante për familjen e saj vetëm pasi i vdiqën prindërit (në vitin 2000 dhe 2003), duke shtuar se "historia e familjes ishte e mbushur me xhepa heshtjeje. M'u desh të përdorja shumë imagjinatë për ta rikrijuar".

Bija e varrmihësit u botua në vitin 2007 dhe është përfshirë në listën e librave bestseller në gazetën New York Times. Romani gjithashtu ka qenë një nga librat finalistë, kandidat për çmimin National Book Critics Circle Award në prozë.

Mbi autorin

Joyce Carol Oates ka shkruar 56 romane, mbi 30 përmbledhje me tregime, tetë vëllime me poezi, drama, ese të panumërta dhe kritikë letrare. Është fituese e shumë çmimeve letrare, ndër to e çmimeve National Book Award (1969), PEN/Malamud për "përsosmëri në prozën e shkurtër", "Prix Femina" (2005), Commonwealth për "shërbim të shquar në letërsi" (2003), Chicago Tribune Lifetime Achievement Award (2006) etj.

Oates – i është anëtare e Akademisë Amerikane të Arteve dhe të Letrave që prej vitit 1978. Romani "Bija e varrmihësit" (2007) është klasifikuar si bestseller në listën e New York Times – it. Prej më shumë se njëzët e pesë vjetësh, Oates – i është një nga kandidatët më të diskutuara për çmimin Nobel në letërsi. Ajo ka shkruar edhe romani thriller apo mister nën pseudonimet Rosamond Smith dhe Lauren Kelly.