Një mijë diej vezullues, Khaled Hosseini

Titulli: Një mijë diej vezullues
Origjinali: A thousand splendid suns
Gjinia: Roman
Autori: Khaled Hosseini
Shqipëroi: Ledia Agolli
Shtëpia botuese: OMSCA-1
Viti: 2008
fq. 420
Pesha: 0.511 kg.
ISBN: 978-99943-41-27-6

Mbi librin

"Gjuetari i Balonave" ishte një befasi. Bota afgane na është dukur gjithmonë mes luftës, terrorizmit dhe interesave të shteteve mëdha. Ndërsa autori Khaled Hosseini tregoi se aty ndjenjat nuk kishin vdekur. Njerëzit ëndërronin edhe aty mes vuajtjes ulëritese. Ndjenjat ishin të njëllojta në Afganistan si në çdo cep të botës që qytetëruar. E në këtë linjë është dhe libri i dytë "Një mijë diej vezullues".

Një libër që për nga vlerat dhe idetë që përcjell nuk bie aspak nën nivelin e paraardhësit të tij. Veç kësaj, përkthimi me mjeshtëri i Ledia Agollit e përcjell mjaft mirë mesazhin e autorit. Gazeta "Los Angeles Times" ka dhënë vlerësimin më maksimal për librin. "Ky libër i shkëlqyer është vazhdim i suksesit të romanit "Gjuetari i balonave", thuhet në komentin e gazetës prestigjioze.

Mbi autorin

Bir i një diplomati dhe i një mësueseje, u lind në Kabul, Afganistan, më 1965. Atij iu plotësua kërkesa për azil politik në SHBA më 1980 dhe u transferua me gjithë familjen në San Joze, në Kaliforni, ku jeton edhe sot me gruan dhe dy fëmijët. Është diplomuar në mjekësi në Universitetin e San Diegos.

Në vitin 2003 shkroi romanin "Gjuetari i balonave", i cilësuar si romani më i fuqishëm epik i kohëve të fundit, një sukses i jashtëzakonshëm letrar, një sukses spontan dhe i beftë që e detyroi kritikën ta përcaktonte si "një mrekulli të fjalës së shkruar". Khaled Hosseini afirmoi edhe një herë talentin e vetë me romanin e tij të ri "Një mijë diej vezullues", i cili, si edhe "Gjuetari i balonave", tashmë është përkthyer në shumë gjuhë të botës dhe është bestseller në të gjitha vendet ku është botuar.

Shoqëria e famshme kinematografike "Columbia Pictures" ka siguruar të drejtat për të realizuar filmin sipas subjektit të romanit "Një mijë diej vezullues". Khaled Hosseini, më 2006 është emëruar si i dërguar i posaçëm i SHBA tek UNHCR, Agjencia e Kombeve të Bashkuara për refugjatët.

Komente mbi librin

"Spektakolar... Rrëfimi i Hosseinit e bën zemrën tonë të hovë dhe na krijon emocione të fuqishme."

USA Today

"Shumë nga ne mësuan dhe shijuan mjaft nga "Gjuetari i balonave". Ka edhe më shumë për të mësuar e shijuar nga "Një mijë diej vezullues". I fuqishëm, i shkëlqyer, tronditës."

The Washington Post Book World