Titulli: Kushërira K
Origjinali: Cousine K
Gjinia: Roman
Autori: Yasmina Khadra
Shqipëroi: Nonda Varfi
Shtëpia botuese: Bota Shqiptare
Viti: 2012
Fq. 112
Pesha: 0.16 kg
ISBN: 978-9928-00-076-7
Mbi librin
Mbyllur në vetminë e tij dhe i përhumbur nga kujtimet e dhimbshme të fëmijërisë, një njeri kujton. Fëmijëria nuk është gjithmonë një parajsë e humbur. Përkundrazi, ajo mund të jetë një botë e përbërë nga padrejtësia dhe makthet. Dhe ku ka gjë më të tmerrshme për një fëmijë se lënia pas dore nga një nënë që adhuron vëllanë e madh.
Një roman prekës dhe shqetësues në të cilin lexuesi dëshmon nga brenda një mekanizëm që e shtyn drejt çmendurisë fatale qenien e thjeshtë njerëzore. Kur më në fund takohet me një grua, një qenie fatkeqe dhe e dobët si ai, vendos ta ndihmojë. Por deri në ç'pikë?
Një vëzhgues i madh i thellësisë së shpirtit njerëzor, Yasmina Khadra eksploron burimet e fshehta të çmendurisë, sesi vetmia, mungesa e dashurisë, mbyllja në vetvete, janë forma të tilla vuajtjeje që mund të të çmendin. Dhe faktin se si një rrethanë e veçantë, një zhurmë, një portë që vajton, një diell që të verbon si të huajin e Kamysë, mund të bëhet shkas për një akt të pariparueshëm. I vetëm në shtëpinë e nënës së tij, ai kujton sesi kishte zbuluar babain e vrarë në stallë kur ishte pesë vjeç.
Magjepsjen me varrimin e të vdekurve në varreza. Ngathtësinë e tij. Heshtjen e tij të përhershme. Dashurinë e çmendur të nënës për vëllain e madh dhe indiferencën ndaj tij, më të voglit. Dhe kushërirën K, kaq të bukur, kaq të shkëlqyer dhe kaq mizore, një fëmijë, dëshmitar i mungesës së dashurisë nga ana e nënës. Torturuesi i tij. Tani zor se i ka mbetur ndonjë shpresë, askush prej nga mund të shpresojë për pakëz dashuri.
Jeton pa e ditur pse erdhi në këtë botë e pse do të duhet ta lërë një ditë. Nuk ka më shpresa. Deri mbrëmjen kur sheh një grua me flokë të çrregullt, të mbytur në lot, të cilën e ka hedhur një burrë nga makina. Më në fund, një krijesë më e pakënaqur, më e dobët se ai, së cilës mund t'i vijë në dihmë. Ai duhet të bëjë diçka për të. E ndjen si të domosdoshme.
