Titulli: Një tjetër pranverë
Origjinali: Nelle mie mani
Gjinia: Roman
Autori: Gabriella Magrini
Shqipëroi: Ilira Shurbani
Shtëpia botuese: Dituria
Viti: 2008
Fq. 360
Pesha: 0.44 kg
ISBN: 978-99943-46-448
Mbi librin
Tridhjetë vjet martesë, dy fëmijët tashmë të rritur, një jetë kushtuar familjes, por mbi të gjitha burrit: Aliçja, pothuajse pesëdhjetëvjeçare, është shembulli i një zonje të përkryer borgjeze, që s'ka pasur kurrë as dyshimin më të vogël se fati i një gruaje të brezit të saj mund të ishte ndryshe.
Por krejt papritur çdo siguri vihet në diskutim: Alfiero, burri me të cilin ishte e bindur se do të plakej, e tradhton dhe e braktis pa mëshirë, duke e lënë përballë problemeve serioze ekonomike. Për Aliçen është dështim i planeve të saj për jetën dhe konstatim i hidhur se nuk ka më një qëllim, një identitet. Nga kjo rënie fillon një rilindje e dhimbshme.
Takimi me Bertrand Liebmanin, një avokat gjenovez, që e ndihmon t'ia dalë mbanë në mashtrimet financiare të Alfieros; marrëdhënia e re që ndërton me fëmijët; ndjenja se ndoshta mund të kesh një rol edhe jashtë mureve të shtëpisë, i frymëzon një energji të papritur dhe aftësinë për t'u shfaqur ndryshe nga imazhi që dikush tjetër, duke përfshirë edhe atë vetë, i kishte rrënjosur në trup.
Tani vërtet mund ta shtrëngojë jetën në duart e saj, madje edhe të lëshohet në ëmbëlsinë e një dashurië në moshë të pjekur, edhe më të fortë, pasi e ka zgjedhur pa u kushtëzuar.
Mbi autoren
Gabriella Magrini, milaneze, është gazetare dhe shkrimtare. Ka punuar si kryeredaktore e të përjavshmes "Anna" dhe tani bashkëpunon me revista të ndryshme. Sot konsiderohet si një nga shkrimtaret italiane më të njohura dhe të vlerësuara. Ka botuar, ndër të tjera, romanet: "Mijëra vjeshta", "Si një diamant", "Zjarri i gënjeshtrave", "Tërheqje depërtuese", "Magjike" dhe "Zëri i sirenave", disa prej të cilëve janë përkthyer në gjuhë të ndryshme.
