Titulli: Zjarri i gënjeshtrave
Origjinali: Il falò delle bugie
Gjinia: Roman
Autori: Gabriella Magrini
Shqipëroi: Ilira Shurbani
Shtëpia botuese: Dituria
Viti: 2009
Fq. 392
Pesha: 0.48 kg
ISBN: 978-99943-46-68-4
Mbi librin
Historia e një familjeje, nga Lufta ll Botërore deri në ditët tona. Në qendër Alesandro dhe Federika, vëlla e motër, të lidhur nga një ndjenjë e thellë, një lidhje kaq e fortë sa që përligj deri edhe gënjeshtrat e shtirjet, tinëzinë e të vërtetave të dhimbshme, mjaft që të ruhet qetësia dhe dashuria mes tyre.
Të dy viktima të një marrëdhënieje të vështirë me të ëmën, janë rritur duke u mbështetur tek njëri – tjetri: ajo, në dukje e brishtë dhe e ndrojtur, ai, i bukur, i mençur. Sipas moralit të kohës, të dy nuk do të ishin në "rregull": ajo mama pa burrë, ai homoseksual, por sjellja e tyre bindëse i ka shndërruar në sytë e botës: atë në një nënë të re me një martesë të palumtur pas shpatullave, kurse djalin në një beqar joshës.
Por disa gënjeshtrave nis t'u besosh edhe vetë: Alesandro, industrialist i madh, vendos befas të martohet me një modele magjepsëse; Federika, fotografe e zonja, pas një historie të gjatë dashurie, zbulon më së fundi burrin e jetës, por prapë hesht dhe nuk i rrëfen së bijës të vërtetën për të atin që nuk e ka njohur kurrë. Dhe një ditë, drama shpërthen...
Në agim të mijëvjeçarit të ri, Federika tashmë e pjekur vendos të ndezë e para "zjarrin e gënjeshtrave". Apasionues dhe tërheqës, një roman që me ndjenjat e holla, stilin e thukët dhe ritmin e fortë, përshkruan ëndrrat, shqetësimet dhe rebelimet e tri brezave në sfondin e 60 vjetëve të historisë italiane.
Mbi autoren
Gabriella Magrini, milaneze, është gazetare dhe shkrimtare. Për disa vjet kryeredaktore e revistës "Anna" dhe tani bashkëpunëtore me revista të ndryshme. Ka botuar romane me shtëpitë më të mëdha botuese italiane, romane që tashmë kanë një publik të gjerë në Itali.
