Titulli: Edhe një ditë më shumë
Origjinali: Il giorno in piu
Gjinia: Roman
Autori: Fabio Volo
Shqipëroi: Elona Mistrovica
Shtëpia botuese: Dudaj
Viti: 2009
Fq. 318
Pesha: 0.28 kg
ISBN: 978-99943-0-123-3
Mbi librin
Problemi nuk është sa pret, por kë pret. Zgjimi, kafeja, tramvaji, zyra, palestra, pica-kinemaja-shtrati (nëse është me fat, jo vetëm)... Ditë gjithmonë të ngjashme, të shënjuara nga takime që, në fund të fundit, i shëmbëllejnë njëra-tjetrës, të humbura nën qiellin ngjyrë gri të një metropoli që ka harruar të buzëqeshë.
Kjo është jeta e Xhakomos, i cili nuk e vret shumë mendjen dhe përballet me ngjarjet duke qëndruar në sipërfaqe. Por, një ditë, ai takon një të panjohur në tramvaj, e has atë edhe të nesërmen, edhe të nesërmen tjetër. Për muaj me radhë. E kështu, ato tri ndalesa të tramvajit, që i duhet të përshkojë për të mbërritur në zyrë, shndërrohen në një takim tepër të rëndësishëm e të përditshëm. Në fakt, ato janë "takimi më i rëndësishëm". Por fati i së panjohurës e shpie atë larg, në një qytet tjetër. Po Xhakomo?
Ai vendos për herë të parë në jetë të mos qëndrojë më në sipërfaqe, të rrezikojë të duket qesharak, dhe niset në ndjekje të një ëndrre. Ky është fillimi i një loje të pabesueshme dhe gjithëpërfshirëse, që papritur do të ndërpritet e që do t'i shpjerë ata të dy në një pikë nga ku nuk mund të kthehen më pas, për të zbuluar nëse ia vlen ta luash deri në fund lojën e jetës.
Dashuria, miqësia, udhëtimi, dyshimet, zgjedhjet, bashkë me një dozë argëtimi dhe pavetëdijeje të shëndetshme: ky roman i ka të gjithë përbërësit dhe shijen e faqeve më të realizuara të Fabio Volos. Janë prova ngazëlluese e një talenti tregimtar që e ka arritur maturinë pa humbur qoftë edhe një thërrmijë freskie.
Mbi autorin
Fabio Volo ka lindur më 23 qershor 1972. Ka punuar si dixhej, aktor dhe drejtues programesh televizive e radiofonike. Ka publikuar Po dal të bëj një shëtitje, Kam një jetë që të pres, Një vend në botë, Dita tjetër.
