Agimi, Stephenie Meyer

Titulli: Agimi, Libri i Katërt
Origjinali: Breaking down
Gjinia: Roman
Autori: Stephenie Meyer
Shqipëroi: Marsida Gjonçaj
Shtëpia botuese: Morava
Viti: 2011
Fq. 692
Pesha: 0.731 kg.
ISBN: 978-9928-120-00-7

Fragmente nga libri

Por kur dashuroje vrasësin tënd, atëherë nuk kishe rrugëdalje. Si mund të vrapoje, si mund të luftoje, kur një veprim i tillë do ta lëndonte atë person të dashur? Nëse jeta jote ishte gjithçka mund t'i falje njeriut të dashur, si mund të mos ia falje? Po sikur të ishte ai një njeri që e doje me të vërtetë?

-Mos ki frikë,- murmurita. -Ne jemi bërë për njëri-tjetrin. Papritmas u ndjeva e pushtuar nga vërtetësia e fjalëve të mia. Ky moment ishte kaq i përsosur, kaq i drejtë sa nuk kisha pikë dyshimi. Ai më mbështolli në krahët e tij, duke më shtrënguar pas vetes... më dukej sikur çdo trendinë e trupit tim ishte një fill i gjallë.
-Përgjithmonë,- pranoi ai.

Mbi librin

Të biesh kokë e këmbë në dashuri me një vampir është njëherazi edhe fantazi edhe makth, ndërthur me realitetin tejet të rrezikshëm të Bela Suanit. E tërhequr në një drejtim nga pasioni çmendurak për Eduardin, dhe në një drejtim nga lidhja e thellë me njeriun-ujk, Xhekob Bllekun, ajo ka duruar një vit të trazuar joshjeje, humbjeje dhe grindjeje për të arritur në pikën përfundimtare të kthesës.

Zgjedhja e saj e afërt për t'u bashkuar me botën e errët por joshëse të të pavdekshmëve ose për të vijuar një jetë krejt njerëzore është kthyer në fijen tek e cila varet fati i dy klaneve. Tanimë që Bela ka bërë zgjedhjen e vet, një zinxhir befasues me ngjarje të padëgjuara do të copëtohet duke sjellë pasoja potencialisht shkatërruese dhe të pazbulueshme. Kur fijet e copëtuara të jetës së Belës- fillimisht të ekspozuara te Muzgu, pastaj të hapërdara dhe të shqyera te Hëna e re dhe Eklipsi -duken gati për t'u lidhur dhe thurur me njëra-tjetrën, a mund të shkatërrohen... përgjithmonë?

Përfundimi mahnitës dhe marrafrymës i Sagës së Muzgut, Agimi, hedh dritë mbi të fshehtat dhe misteret e kësaj epike magjepsëse dhe romantike, që ka ngërthyer miliona lexues.

Komente mbi librin

"Meyer është romancierja më popullore e vampirëve në botë që nga Anne Rice."

Entertainment Weekly

"I gatuar me tronditjen arketipale të pasioneve fatkeqe ku elementet e mbinatyrshme shërbejnë si erëza marramendëse."

The New York Times

Mbi autoren

Stephenie Meyer ka studiuar në Brigham Youn University dhe është diplomuar për letërsi angleze. Ajo jeton me bashkëshortin dhe tre djemtë e saj në Arizona. Pas librit të saj të parë "Muzgu", librarët e përzgjodhën si një nga autoret më premtuese të vitit 2005.