Foleja e nepërkave, François Mauriac

Titulli:Foleja e nepërkave
Kategoria: Roman
Autori:François Mauriac
Përktheu: Vandush Vinçani
Botues: Dituria
Viti: 2024
Fq.188
Pesha: 0.260 kg
ISBN:99927-31-60-5
Ky libër është në gjuhën shqipe


Mbi librin

“Jo, nuk ishte paraja që ai koprrac vlerësonte aq shumë; as në tërbimin e tij të verbër, nuk kërkonte hakmarrje. Atë që donte vërtet ju do ta zbuloni, në qoftë se do të keni forcën dhe kurajën ta ndiqni historinë e tij deri në fund, deri në çastin kur vdekja e ndërpreu...”

Foleja e nepërkave është shembulli më i lartë i artit të Mauriacut. Në të gjithë letërsinë mund të gjenden pak hulumtime më të frikshme të një shpirti të gërryer nga krenaria, koprracia dhe urrejtja. Tema e këtij romani të jashtëzakonshëm është më emocionuesja në botë - beteja për një shpirt njerëzor.

Lui, personazh qëndror i këtij romani, personifikon të keqen. Ai është shumë i pasur, por mjerisht i palumtur. Nga fundi i jetës, duke kërkuar të zbulojë shkakun e kësaj palumturie, hedh në letër gjithë historinë e tij të hidhur: një fëmijëri e përmbytur nga dashuria e pafund e së ëmës, por e zbrazur nga çdo dashuri tjetër... dashuria për Izën që ia shkriu zemrën e ngrirë... keqkuptimi banal që i helmoi jetën martesore dhe atë të të bijve... lufta e koprracit plak për t’i hequr të drejtën e trashëgimisë familjes dhe fundi kulmor...
Magjia e këtij libri qëndron në talentin e jashtëzakonshëm të shkrimtarit për të parë poshtë asaj që duket - shumë poshtë, në thellësi të shpirtit, ku ekziston vetja jonë më e thellë, ku ndodh beteja e së mirës dhe së keqes, ku vendoset fati i përjetshëm i njeriu...