"Historia e gruas së fotografit” është emri me të cilin e njohin të gjithë, ato pak herë që e përdorin, por, në të vërtetë, ajo është edhe historia e vetë fotografit, ose më saktë, është historia e teorisë së tij mbi rëndësinë e gjërave të vogla.
Përrallat e treguara nga Mitrush Kuteli përbëjnë pjesën më të rëndësishme të letërsisë shqiptare, një frymëzim për një numër të madh veprash të tjera letrare që pasuan përgjatë dekadave. Tregime të Moçme Shqiptare përbën një klasik të të gjitha kohërave.
Për shumë vite me radhë Enver Hoxha i imponoi historisë versionin e tij. Ai rezulton i paturpshëm për t'i transformuar ngjarjet, për t'i fshirë ose zhdukur personazhet dhe për të ngritur në histori një protagonist të vetëm: atë vetë.
Duke lexuar "Prillin e thyer" kuptohet lehtësisht përse dhe me çfarë force Ismail Kadare është pasionuar për tragjedinë dhe për dy përfaqësuesit më të shquar të saj, Shekspirin dhe Eskilin. "Miku, besa dhe gjakmarrja janë rrotat e mekanizmit të tragjedisë antike, dhe të futesh në mekanizmin e tyre është të shikosh mundësinë e tragjedisë."
Ky botim është një ndër veprat më të rralla të shkrimit në gjuhën shqipe. Një libër tepër i vlefshëm për historinë e Shqipërisë në tërësi dhe veçanërisht në historinë e gjuhësisë shqiptare. Ky botim përbën një gur themelues të shkrimit shqip në historinë tonë.
Në dy vëllimet e pozive italiane janë paraqitur disa poezi të shqipëruara nga Ernest Koliqi. Kjo i bën këto vëllime tepër interesante dhe të rralla. Vëllimet kanë lidhje pak të konsumuar nga koha dhe faqet janë të zverdhura, por në tërësi botimi i ka qëndruar kalimit të kohës.
Ky është një botim tepër i rrallë i viteve të Mbretërisë Shqiptare. Libri paraqet historinë e Shqipërisë, organizimin e shtetit (kushtetutën, pushtetin ekzekutiv, legjislativ dhe gjyqësor), raportet e ministrive të ndryshme në lidhje me administrimin e rendit publik, administrimin e kontabilitetit, zhvillimin e arsimit, huatë dhe financat e monarkisë.
Vepra e plotë e Dhimitër S. Shuteriqit përfaqëson një botim tepër të rrallë përpara viteve '90. Në këtë vepër të plotë gjenden vepra që nuk janë ribotuar më që pas viteve '90 dhe që përbëjnë një pjesë të rëndësishme të krijimtarisë së Dhimitër S. Shuteriqit.
Në këtë libër janë renditur një sërë këngësh të propozuara për himnin e flamurit. Libri është në gjendje shumë të mirë. Lidhja e faqeve është e fortë dhe e qëndrueshme. Faqet nuk janë të njollosura nga koha.
Arbër Xhaferi është si një udhëkryq që i bashkon rrugët shqiptare për të rindarë drejtimet e të menduarit mbi të shkuarën, të sotmen e të ardhmen e shqiparizmës, dhe mbase është po ashtu, i vetmi mes të shquarve të gjindjes sonë, që as nuk është lëvduar ndonjëherë aq sa e meriton, po as nuk është gjuajtur ndonjëherë me gurë siç nuk e meriton.
Vepra është shumë e rrallë, botim i vitit 1908. Në të janë përmbledhje nga këngët folklorike që Spiro Dine ka grumbulluar. Lidhja e librit është e mirë (pavarësisht nga koha e gjatë e kaluar). Faqet e librit janë të zverdhura për shkak të kohës së kaluar.
Fjalori tematik dhe bisedimor tregjuhësh, italisht – greqisht – shqip, i lënë në dorëshkrim nga Thimi Mitko, dhe i patrajtuar deri më sot nga studimet shqiptare, vjen në këtë botim i plotë dhe i pajisur me aparatin shkencor përkatës.