Kategoritë

Botuesit

Autorët

Gjurmime filologjike, Matteo Mandala Shihe të plotë

Gjurmime filologjike, Matteo Mandala

Autori i është përmbajtur metodës së analizës (ekdotike) duke marrë në shqyrtim periudhën historike, përkatësinë siçiliane të autorëve, rrethanën përse veprat e tyre kanë mbetur të gjitha në dorëshkrim si dhe faktin që ato vepra dokumentojnë njërën prej fazave më të begata e më të dobishme të historisë së albanologjisë, atë të origjinës.

Info shtesë

SKU000296

Disponueshëria: In Stock

Ky është ekzemplari i fundit!

$11.27

libërNga (sasia)Ulja
Gjurmime filologjike, Matteo Mandala3 -$1.13

Titulli: Gjurmime filologjike për letërsinë e vjetër arbëreshe
Origjinali: Gjurmime filologjike për letërsinë e vjetër arbëreshe
Gjinia: Gjuhësi
Autori: Matteo Mandalá
Shtëpia botuese: Çabej
Viti: 2006
Fq. 386
Pesha: 0.464 kg
ISBN: 978-99927-33-74-8

Mbi librin

Ky libër përmbledh punime bashkëkohore lidhur me letërsinë e vjetër arbëreshe, disa të botuara së fundmi dhe disa të tjera që botohen këtu për herë të parë. Autori i është përmbajtur metodës së analizës (ekdotike) duke marrë në shqyrtim periudhën historike, përkatësinë siçiliane të autorëve, rrethanën përse veprat e tyre kanë mbetur të gjitha në dorëshkrim si dhe faktin që ato vepra dokumentojnë njërën prej fazave më të begata e më të dobishme të historisë së albanologjisë, atë të origjinës.

Kjo vepër, e cila mund të shfrytëzohet edhe si një manual i përmbledhur filologjie, synon ta sjellë këtë metodë studimore si një risi, "sidomos atje ku për disa dhjetëvjeçarë të luftës ideologjike qe lënë më dashje në hije".

Duke iu përmbajtur kësaj metode në botimet kritike të veprave të autorëve më në zë të letërsisë romantike arbëreshe, nga Jeronim de Rada te Zef Serembe, nga Gavril Dara i Riu te Zef Skiroi, nga Françesko Krispi Glaviano te Françesko Antonio Santori, lexuesve iu jepen këto vepra në formën e tyre të pacënuar.

Mbi autorin

Matteo Mandalá ka lindur më 1958 në Horë t'Arbëreshvet (Piana degli Albanesi) në Siçili dhe është profesor i gjuhës dhe letërsisë shqipe në Universitetin e Palermos. Ka dhënë mësim edhe në disa universitete të tjera të Italisë: Kalabri, Pisa, Bari, Lecce dhe Messina. Pjesëmarrës i rregullt thuajse në gjithë kongreset albanologjike të mbajtura në Itali, është organizator i seminareve të albanistikës në Palermo, Bari e Lecce.

Drejton gjerdanin e botimeve "Albanica" themeluar nga A. Guzzeta; është autor i rreth 30 botimeve të ndryshme, ndër të cilat punime për Kodikun e Chieutit e për autorë arbëreshë si Da Lecce, Skiró, Matranga, Guzzeta, Keta, Filja, Brankati. Përmendim gjithashtu esenë "Disa vërejtje mbi poezitë e Camajt" dhe përmbledhjen antologjike "Kënka të përshpyrtshme të Shqyptarve të Siqilis".