Politikat ekonomike, Ludwig von Mises

Titulli: Politikat ekonomike, reflektime për të sotmen dhe për të ardhmen
Origjinali: Economic Policy: Thoughts for Today and Tomorrow
Gjinia: Ekonomi
Autori: Ludwig von Mises
Shqipëroi: Adrian Civici
Shtëpia botuese: UET Press
Viti: 2017
Fq. 184
Pesha: 0.289 kg.
ISBN: 978-9928-236-23-7

Koment nga Adrian Civici

Ludwig von Mises (1881 – 1973) vlerësohet si një nga ekonomistët më të rëndësishëm dhe referencë e liberalizmit klasik dhe libertarianëve modernë. Profesor në Universitetin e Vjenës, Gjenevës dhe më vonë atë të New York – ut, Mises është dhe një nga përfaqësuesit më të spikatur të "Shkollës austriake të ekonomisë", e cila mbron dhe mbështet tërësisht kapitalizmin në versionin e tij liberal.

Në themelet e shkollës austriake të ekonomisë qëndrojnë pozicione metodologjike dhe epistemologjike të veçanta të tilla si "koncepti subjektiv i vlerës", "individualizmi metodologjik", "prakseologjia" etj.

Dishepujt e tij më të shquar janë ekonomistë si Friedrich Hayek, Murray Rothbard, Israel Kizner, Fritz Machlup, Pascal Salin Gottfried Haberlet etj. Nga viti 1947 e deri në vitin 1965, Mises ishte një nga 40 anëtarët themelues më aktivë të "Mont Pèlerin Society", grupim i ekonomistëve dhe mendimtarëve liberalë më të shquar të botës, organizatë e krijuar në Vevey të Zvicrës në vitin 1947, qëllimi themelor i së cilës është "krijimi i një strukture ndërkombëtare permanente që do t'u krijojë mundësi intelektualëve liberalë të organizohen dhe angazhohen për idetë e tyre kundër çdo lloj ndërhyrje shtetërore".