Vrasja ime e parë, Leena Lehtolainen

Titulli: Vrasja ime e parë
Origjinali: Ensimmainen Murhani
Gjinia: Roman
Autori: Leena Lehtolainen
Shqipëroi: Adela Morava
Shtëpia botuese: Morava
Viti: 2010
Fq. 221
Pesha: 0.301 kg.
ISBN: 978-99956-26-83-9

Mbi librin

Pas disa vitesh punë në policinë e shtetit, ku rutina e procesverbaleve dhe e marrjes në pyetje të keqbërësve të parëndësishëm e mërziste, Maria Kallio fillon të studiojë sërish në Fakultetin e Drejtësisë. Por ngaqë i mungon aksioni, pranon një punë në polici si zëvendësuese. Gjatë kësaj kohe do t'i paraqitet rasti të kryejë hetimin e parë kriminal.

Një djalë i ri gjendet i vrarë - i mbytur dhe me kafkën të çarë - gjatë një fundjave, që kishte kaluar në vilën e prindërve së bashku me shtatë pjesëtarë të një kori. Mes tyre, njëri duhet të jetë fajtori. Po cili? Maria nis hetimin, duke i pyetur njërin pas tjetrit. Detyra e saj është e vështirë: ajo e ka njohur personalisht viktimën, si edhe disa prej të dyshuarve, kur ishte studente.

Është bashkëmoshatare me ta, çka nuk e bën fort të besueshme si hetuese. Pastaj çështja ndërlikohet edhe më tepër, kur del në shesh se të gjithë kishin arsye të forta për t'iu hakërryer viktimës: djalosh i pasur, i talentuar, i suksesshëm dhe me shumë historiçka dashurie...