Titulli: Të drejtat e njeriut dhe Konstitucionalizmi
Origjinali: Të drejtat e njeriut dhe Konstitucionalizmi
Gjinia: Studime ligjore
Autori: Denar Biba
Shtëpia botuese: UET press
Viti: 2021
Fq. 362
Pesha: 0.603 kg
ISBN: 978-9928-320-54-4
Ky libër është në gjuhën shqipe
Mbi librin
Lexuesi i librit do ta gjejë veten përballë dilemash të tilla, si: a janë të drejtat e njeriut të prejardhura nga një fuqi mbinjerëzore, apo janë thjesht konvencione, shpikje të njeriut, në përpjekje për të përmirësuar jetën? A kanë ato një peshë specifike të caktuar; a janë ato të barabarta mes tyre; a ndryshojnë me ndryshimin e rrethanave të tjera politike, sociale e ekonomike? Kujt i përkasin të drejtat e njeriut, apo, me fjalë të tjera: cili është subjekti që mund t’i pretendojë ato? Ku bazohen të drejtat e njeriut, cila është baza e tyre filozofike? A ekzistojnë ato universalisht, apo kultura të ndryshme detyrojnë edhe të drejta të ndryshme njerëzore? Po në të drejtën kushtetuese shqiptare e gjetiu, si janë konstitucionalizuar ato? Pasues të cilës shkolle të të drejtave të njeriut u bënë etërit tanë kushtetues, nga njëri akt kushtetues në tjetrin? A ishte kjo një zgjedhje e vetëdijshme, apo jo? Çfarë mund të thuhet për përmasat, efikasitetin, garancitë ndër vite?
Përgjigjet nuk janë plotësisht të detajuara e shteruese, qoftë edhe për faktin se, disa nga këto pyetje janë të atij karakteri e asaj përmase, sa të shërbejnë si baza për një libër tjetër, krejtësisht të dedikuar e sërish të pamjaftueshëm. Sidoqoftë, çdo individ i interesuar për t’u thelluar më tej, pas këtij leximi do të ketë më së paku nxitjen intelektuale dhe orientimin në referencat shkencore.
