Titulli: E Drejta Romake
Gjinia: Drejtësi
Autori: Andrew Borkowski, Paul du Plessis
Shqipëroi: Guri Daco
Shtëpia botuese: UET Press
Viti: 2010
Fq. 520
Pesha: 0.653 kg
ISBN: 978-99956-39-10-5
Koment nga Andrew Borkowski
E Drejta Romake përbën një hyrje të paçmuar në të kuptuarit e koncepteve ligjore dhe një çelës për vlerësimin e sistemeve ligjore kontinentale. Studimi i saj do të kishte një vlerë të jashtëzakonshme, sepse ajo është një krijim i gjenisë për rend harmonik dhe gjykim të organizuar të një qytetërimi të spikatur të lashtësisë dhe përbën një trashëgimi që ka pasur ndikim të thellë mbi epokat pasardhëse. Ky libër është shkruar për studentët. Ai është hartuar si një libër i parë i të Drejtës Romake, për t'u përdorur nga studentët.
Koment nga Spartak Ngjela
Merita kryesore historike e të Drejtës Romake është fakti që ajo, pasi u zhvillua në një rrugë të vërtetë doktrinare, arriti të krijojë një rend juridik universal. E Drejta Romake është i gjithë korpusi juridik, institucional dhe ligjor i Romës së Lashtë, që nga themelimi i qytetit të Romës më 753 para erës së re dhe deri në rënien e Perandorisë Perëndimore në shekullin e pestë të erës së re.
Ajo gjithsesi mbeti në përdorim në Lindje deri në vitin 1453, edhe pas rënies së Perandorisë Perëndimore, e përqendruar në Perandorinë Bizantine. E Drejta Romake, me të gjithë korpusin e saj voluminoz, si përmbajtje juridike e dy perandorive të dala juridikisht po prej saj, më pas nxiti me forcë zhvillimin e së drejtës thuajse në të gjithë qytetërimin perëndimor, ashtu sikundër edhe në një pjesë të Lindjes ose të qytetërimeve lindore.
E Drejta Romake kap në fakt fillimin e shkencës së jurisprudencës dhe të vetë ligjit, duke e parë këtë të fundit në zhvillim dhe si një korpus të të gjithë aspektit ligjor në një shoqëri.
