Titulli: Etnos në Epos
Origjinali: Etnos në Epos
Gjinia: Gjuhësi, mitologji
Autori: Shaban Sinani
Shtëpia botuese: Naimi
Viti: 2011
Fq. 240
Pesha: 0.316 kg
ISBN: 978-9928-109-02-6
Mbi librin
Studimi monografik "Etos në Epos" është përfundimi i një procesi pune kërkimore afro 15 vjeçare. Etnosi shqiptar dhe eposi shqiptar janë që të dyja kategori parakombëtare, që vijnë prej kohërash shumë të hershme. Koha e formimit të etnosit shqiptar është koha e formimit të eposit shqiptar, "gojëdhënës kombëtare", përkojnë jo rastësisht në një kalendar krahasimtar.
Studimi ka për qëllim të identifikojë këtë kushtëzim dhe të argumentojë ndikimin e formimit të vetëdijes etnike parashqiptare në krijimin e eposit legjendar shqiptar. Duke qenë i prirur drejt shtresimeve më të vjetra të epikës legjendare shqiptare, ky studim në një farë mënyre është vazhdim i monografisë "Mitologji në eposin e kreshnikëve" (2000, 2006) dhe i studimeve të përfshira në librat "Kështjella e virtytit" (2001) e "Ura dhe kështjella" (2006).
Nga këndvështrimi i lidhjes kushtëzuese historike dhe etnologjike midis etnosit dhe eposit shqiptar shihen shumica e çështjeve të parashtruara në këtë libër, prej atyre të termave dhe emërtimeve, deri tek marrëdhëniet midis disa prej ligjërimeve më të vjetra të shqipes: ligjërimi biblik – ungjillor, ligjërimit të etnografisë – prozodisë popullore dhe ligjërimit etnojuridik – traditës së ligjeve të pashkruara.
Përpjeka që bëhet në këtë studim për të dekodifikuar disa prej nyjave themelore të traditës gojore shqiptare e parashqiptare; për t'i vendosur ato në një kalendar historik relativ dhe për të tejkaluar kompleksin e karakterit përjashtimisht gjenetik të tyre, është në funksion të vërtetësimit të arritjeve të dijes në këtë fushë.
