Titulli: "Njerëzit e krisur" të Dritëro Agollit
Origjinali: "Njerëzit e krisur" të Dritëro Agollit
Gjinia: Studime, kritika
Autori: Shaban Sinani
Shtëpia botuese: Naimi
Viti: 2012
Fq. 216
Pesha: 0.247 kg
ISBN: 978-9928-109-13-2
Komente mbi librin
"Romani "Arka e Djallit", parë nga perspektiva e tanishme, del "problematik" në disa pika, që e bëjnë të veçantë në kontekstin letrar të letërsisë shqipe. Një nga studimet më të thelluara për të, ai i Shaban Sinanit, piketon veçantitë kryesore të tij.
Shaban Sinani shtron jehonën e censurës dhe autocensurës krijuese në kushtet e diktaturës, kur në fakt është shkruar romani. Në këtë studim, më i thelli dhe më gjithëpërfshirësi, ku shtrohen dhe piketohen çështje zhanrore dhe të poetikave narrative, autori, në mbështetje të rebelimeve kanonike, përkatësisht të heterogjenitetit të diskurseve, vë në pah prurjet që sjell hapja e tillë e poetikës romanore.
Ndërfutja e diskursit përsiatës, filozofik, metafizik dhe eseistik; një roman i padisiplinuar edhe nga perspektiva e ndërtekstualiteteve, përpos që sjell qasje narrative ndryshe në prozën shqipe, e afron atë me prirjet bashkëkohore të romanit përgjithësisht. Duke patur parasysh shumëzëshmërinë, vizionin e romanit, autori i studimit përfshihet nga një shqetësim i përhershëm: "Historia është e prirur për ta fshehur vetveten".
Ali Aliu, akademik
"Me librin "Njerëzit e krisur" të Dritëro Agollit, autori e merr krijimtarinë e Agollit prej gjenezës së saj, e inkuadron atë saktësisht në epokën përkatëse, e shikon atë së brendshmi përmes analizës së imët të tekstit e paratekstit (te romanet), e dimensionon atë në rrafshin historik - krahasues me vëzhgime të sakta kulturologjike e ndërtekstuale dhe ftillon me sukses rrethanat e mundshme të rileximit të këtij autori.
Libri i Shaban Sinanit, ndonëse rrok krejt veprën e një krijuesi të palodhur si Dritëro Agolli, nga poezitë dhe sprovat e para, deri të drama e tij e rigjetur "Baladë për një grua", është homogjenizuar me një ligjërim të rrjedhshëm. "Njerëzit e krisur" të Dritëro Agollit është një libër i domosdoshëm për bibliotekat tona."
Dr. Virion Graçe, shkrimtar, studiues
