Camaj i paskajuar, Shaban Sinani

Titulli: Camaj i paskajuar
Origjinali: Camaj i paskajuar
Gjinia: Studim, kritikë
Autori: Shaban Sinani
Shtëpia botuese: Qendra e Studimeve Albanologjike
Viti: 2011
Fq. 312
Pesha: 0.381 kg
ISBN: 978-9928-141-01-9

Komente mbi librin

"Kjo monografi mund të koniderohet paradigmatike nga pikëpamja e gjithçkaje të rëndësishme që është shkruar deri më sot mbi Camajn, përfshi edhe dokumente, ilustrime dhe shenjime të panjohura deri më sot në Shqipëri.

Qëllimi i autorit është të provojë se pikërisht në paskajimin e tij qëndron origjinaliteti i veprës që krijoi, fuqia pasuruese e kësaj vepre për letërsinë shqipe dhe domosdoshmëria për rishikimin e pozitës së saj në raporte qendër - periferi në sistemin e letërsive të ishullzuara dikur dhe në sistemin e sotëm policentrik letrar shqiptar.

Përfundimi i autorit se Camaj nuk mund të përdoret për çfarëdo qëllimi që studiuesi mund të ketë në krye (dhe për fat të keq shpesh studiuesit kërkojnë atë çfarë duan dhe jo atë çka është), merr rëndësi jo vetëm për këtë vepër. Synimi i këtij libri është që vepra e Martin Camajt të lexohet, interpretohet dhe kuptohet epiteti shtrëngues."

Blerina Suta, Univeristeti "La Sapienza", Romë

"Studiuesi e shpjegon bindshëm të ashtuquajturën "errësi" të poezisë së Camajt, që do ta afronte në dukje me hermetizmin, me mospasjen e një fjlori historik të shqipes dhe rrjedhimisht me mosnjohjen e kuptimeve të kryehershme të fjalëve shqipe. E plotëson këtë me atë që e quan "dukuri Milosao", fragmentarizmin, që e lidh me kërkimin e së papërsëritshmes."

Klara Kodra, Qendra e Studimeve Albanologjike, Tiranë