Stina e stinëve, Kasëm Trebeshina

Titulli: Stina e stinëve
Gjinia: Roman
Autori: Kasëm Trebeshina
Shtëpia botuese: Buzuku
Viti: 2016
Fq. 102
Pesha: 0.143 kg.
ISBN: 978-9951-08-215-0

Komente mbi librin

""Stina e stinëve" është një rrëfim për fëmininë që rrëfehet në vetën e parë dhe që mëton ta përmbledhë jetën me të gjitha dukuritë e saj, saqë përfitohet bindja se kemi të bëjmë me një rrëfim të dendur, me një rrëfim që manifeston frymën jetësore me tragjikë, komikë, ironi dhe vitalitet. Ajo është shtresa aksiologjike e rrëfimit, e cila mëton ta afirmojë konceptin se fëminia është "stinë e kaltër" dhe e vetmja fazë e lumturisë njerëzore, është një përmasë krejtësisht tjetër."

Ramadan Musliu

"Jeta e Kasëm Trebeshinës është përplot me bëma, vuajtje dhe sfida të mëdha, luftëtar dhe i dënuar nga bashkëluftëtarët, shkrimtar dhe i braktisur nga kolegët, vetmitar kryelartë, që bën bujë duke i kthyer krahët asaj, me një vepër që është më shumë sesa një pasqyrë e jetës së tij, një sintezë që bashkon kohëra me gjakimin e bukur për të qenë pakohë, pra e gjitha kohërave."

Visar Zhiti

"Rrallëkush në letrat e sotme shqipe ka depërtuar aq thellë te brendësia dhe thelbësorja ekzistenciale e njeriut dhe e letërsisë sa Trebeshina; rrallëkush në letrat shqipe pas Koliqit nuk depërtoi te thellësitë e psikikës së njeriut sa Trebeshina, rrallëkush në letrat shqipe pas Camajt nuk depërtoi në thellësitë filozofike sa Trebeshina, rrallëkush në letrat shqipe pas Lasgushit e Zef Zorbës nuk shquhet nga një shije e përkryer estetike sa Trebeshina..."

Hans Joachim Lanksch

"Duke tematizuar pa kurrfarë kufizimi çdo gjë dhe çdo problem me një qëndrim autentik e autonom, që shpërthen herë në një kritikë sublime e herë në një ironi olimpike, autori edhe në punë të procedimit e të strukturimit të fjalës artistike i shkel të gjitha normat, skemat e tabutë e estetikës dhe të etikës zyrtare."

Sylejman Syla