Titulli: Rritja e vajzave, si ta ndihmoni vajzën tuaj të rritet e lumtur, e shëndetshme dhe e fortë
Origjinali: Raising girls
Gjinia: Psikologji
Autori: Steve Biddulph
Shqipëroi: Artan Miraka
Shtëpia botuese: Botart
Viti: 2013
Fq. 228
Pesha: 0.301 kg.
ISBN: 978-9928-116-54-3
Koment nga autori
Rritja e vajzave të forta nis që në moshë të njomë. Ne duhet t'i duam shumë ato dhe t'i luftojmë forcat që i demoralizojnë. Ne duhet të bëjmë zgjedhje të mira, sepse bota e sotme nuk do t'ia dijë shumë për vajzat dhe i sheh thjesht si një mënyrë për të fituar para. Sigurisht, disa gjëra janë të përjetshme. Vajzave u duhet të jenë gjithnjë të forta.
Vajzëria është një mision, një udhëtim për të grumbulluar dijen e nevojshme për të qenë grua. Ne jemi udhërrëfyesit e bijave tona në këtë kërkim. Për ta bërë këna na nevojiten udhërrëfyes të mirë, shembuj të mirë dhe sy të kthjellët.
Mbase vajza jote është vetëm një foshnjë. Mbase është në moshën e adoleshencës. Por, pavarësisht moshës së saj, shpresoj që ky libër të të frymëzojë për ta bërë botën një vend më të mirë për të dhe për të gjitha vajzat. Shpresoj gjithashtu që ky libër të të ndihmojë t'i japësh asaj gjithë dashurinë që ndien për të.
Mbi autorin
Steve Biddulph, i lindur në Angli më 1953, është autor australian, aktivist dhe psikolog shumë i njohur. Botimet e tij kanë një ndikim të madh në botë, kryesisht në fushën e psikologjisë për fëmijë dhe prindërimit. Librat e Biddulph janë botuar në miliona kopje në 31 gjuhë dhe janë përcjellë me interes të jashtëzakonshëm nga lexuesit dhe specialistët.
Së bashku me familjen aktualisht jeton në Tasmania – Australi. Disa nga librat më të njohur të autorit janë: Rritja e vajzave, Rritja e djemve, Sekreti i fëmijëve të lumtur.
