Titulli: Poezi futuriste
Gjinia: Poezi
Autori: Vladimir Majakovski
Shqipëroi: Moikom Zeqo
Shtëpia botuese: Zenit Editions
Viti: 2018
Fq. 168
Pesha: 0.234 kg.
ISBN: 978-9928-113-90-0
Mbi autorin
Vladimir Majakovsi lindi në Gjeorgji (në fshatin e vogël Bagdad, që më vonë u mbiquajt me emrin e tij) më 7 korrik 1893. Në moshën 13 vjeçare, pas vdekjes së babait, që kish punuar si inspektor pyjesh, vjen në Moskë, ku Vladimiri vazhdon gjimnazin deri më 1908, kur ndërpret studimet dhe i kushtohet veprimtarisë klandestine revolucionare.
Lexon shumë dhe shkruan poezitë e para. Më 1911 pranohet në Akademinë e Pikturës, Skulpturës dhe Arkitekturës në Moskë. Njihet me poetët Viktor Hljebnikov dhe Aleksej Krucieviç, e me piktorin David Burluk. Me ta më 1917 firmos Manifestin e Futurizmit Rus "Një shuplakë shijes së publikut".
Majakovski spikat si një talent gjenial i poezisë futuriste. Libri i tij i parë poetik botohet në maj 1913. Po këtë vit vë në skenë, në një teatër të vogël në Shën Pjetërburg, tragjedinë "Vladimir Majakovski", me rol kryesor të luajtur prej tij. Më 1915 njihet njihet me Osip dhe Lili Brikun. Dashurohet marrëzisht me Lilin.
Më 1915 boton poemën e tij më të famshme "Re në pantallona". Po në atë vit edhe poemën "Flaut vertebrash". Më 1916 boton poemat "Lufta dhe Universi", si dhe "Njeriu". Revolucionin e Tetorit të 1917-s e quan "Revolucioni im". Më 1918 vë në skenë komedinë e tij "Misteri buf", me skenografi të Maleviçit dhe me regji të Mejerholdit.
Në vitet 1919-1922 punon në ROSTA (Agjensia Telegrafike Ruse). Më 1923 Majakovski organizon lëvizjen artistike të LEFT- it (Fronti i Artë i Artit). Revista "LEFT" u drejtua prej Majakovskit dhe pati bashkëpunëtorë Ezenjshtenjin, Pasternakun, Babelin, Asajevin etj.
Ndërkohë udhëton në Berlin, në Paris, në Pragë, në Varshavë dhe më 1925 në Amerikë dhe Meksikë. Më 1930 shfaqet komedia e tij "Banja", me muzikën e Shostakoviçit. Më 14 prill 1930 vret veten. Në funeralin e tij morën pjesë mbi 150.000 njerëz. Majakovski është dhe mbetet, pa dyshim, poeti prijetar dhe më i madh i Futurizmit.
