Titulli: Kapërcimi i oazeve
Gjinia: Poezi
Autori: Maria Luisa Spaziani
Shqipëroi: Silvana Leka
Shtëpia botuese: Ideart
Viti: 2006
Fq. 136
Pesha: 0.213 kg
ISBN: 978-99943-868-0-8
Mbi librin
Bëhet fjalë për një libër thuajse me një tematikë, i përbërë prej poezish dashurie, që zënë shumë mirë vendin e një rrëfimi origjinal apo edhe të një ditari lirik, që kalon përmes ngjyrimesh të shumta ndjesore dhe jo më pak ndërlikimesh erotike të një jete plot befasi e telashe.
Mes hovesh dhe gëzimit, mes trazimit dhe pasionit, Maria Luisa Spaciani ka krijuar një prej përmbledhjeve lirike më të kulluara, më këmbëngulëse, kërcënuese dhe përndjekëse, të poezisë së sotme italiane.
Mbi autoren
E kandiduar dy herë për Çmimin Nobel për Letërsinë, përkatësisht në vitin 1990 dhe sërishmi më 1992, Maria Luisa Spaziani (torinese që jeton në Romë) mbetet një nga figurat qendrore dhe më interesante të poezisë bashkëkohore italiane.
Në vitet '50, ajo pati një lidhje intime me poetin Eugenio Montale dhe ishte frymëzimi për personazhin "La Volpe" në poezitë e tij. Poezia "Da un lago svizzera" e Montales është një anakrostik që formon Maria Luisa Spazianit. Në vitin 1995, Spaziani e botoi korrespondencën e saj me Montalen, prej tetëqind letrash.
Ajo është kryetare e Qendrës Ndërkombëtare "Eugenio Montale" që ndan çmimin letrar "Premio Montale". Si një nga poetet më me shumë personalitet në letërsinë bashkëkohore italiane, që në vitin 1954, ajo filloi të botojë përmbledhjet e saj të shumta poetike tek shtëpia botuese Mondadori, ku boton edhe sot.
Një roman i vërtetë dashurie: kështu mund ta përkufizojmë dhe duhet ta lexojmë këtë libër që është një vepër sa e gëzueshme, aq edhe befasuese, sepse na ofron përmasa të reja të punës krijuese poetike të Maria Luisa Spazianit, e aftë ta bëjë lexuesin pjesë të freskisë dhe harmonisë së fjalës së vet.
Mes hovesh dhe gëzimit, mes trazimit dhe pasionit, Maria Luisa Spaciani ka krijuar një prej përmbledhjeve lirike më të kulluara, më këmbëngulëse, kërcënuese dhe përndjekëse, të poezisë së sotme italiane.
