Titulli: Zgjimi i thellësive
Origjinali: Zgjimi i thellësive
Kategoria: Poezi
Autori: Xhevahir Spahiu
Botues: Akademia e Shkencave të Shqipërisë
Viti: 2022
Fq: 132
Pesha: 0.200 kg
ISBN: 978-9928-339-76-8
Ky libër është në gjuhën shqipe
Mbi librin
Pak kohë më parë Shtëpia botuese nxori në qarkullim vëllimin me poezi “Zgjimi i thellësive” të Xhevahir Spahiut. Në të ka poezi me përmbajtje të gabuar si dhe mjaft të tjera të paqarta. Po ne po ndalemi te njëra prej tyre, në vjershën reaksionare “Poezia”. Autori u drejtohet zogjve dhe u thotë se ata kanë një armik për vdekje, që poezinë e do të jetë pa krahë, sa një kthinë. Po të jetë poezia diçka e ngrirë, si një trung, atëherë sipas autorit i kemi këmbët në tokë. Ai u bën thirrje zogjve t’i nxjerrin sytë këtij armiku, por nuk sqaron se kush është ky armik, prandaj poezia tingëllon armiqësore, si diçka që i bën sfidë shoqërisë.
Në poezinë tjetër të gabuar ideologjikisht, “Poeti”, heroi lirik identifikohet me Migjenin dhe shpreh protestën ndaj shoqërisë, e cila gjithashtu mund t’ia marrë, por jo penën. Poezia duke mos qenë e konkretizuar në kohë dhe duke u kufizuar vetëm me protestën, tingëllon e tëra ideologjikisht e gabuar. Në fillim ka edhe poezi të tjera të gabuara ose formaliste. Të tilla janë poezia “Deti borë e bardhë”, “Njeriu frazë”, ku propagandohet një moral jo i shëndoshë dhe herë thuhen mendime të gabuara si “i deformuar si nënat”, “unë e ndjej dashurinë që s’shoh”, “unë jam thelbi i fjalës dhe fjala thelbi im” etj.
