Titulli: Lum Lumi
Origjinali: Lum Lumi
Gjinia: Poezi
Autori: Ali Podrimja
Shtëpia botuese: Toena
Viti: 2003
Fq. 160
Pesha: 0.250 kg
ISBN: 99927-1-709-2
Ky libër është në gjuhën shqipe
Mbi librin
Libri LUM LUMI ka mbi tri dekada që shkruhet edhe pse ka përjetuar disa botime. Idetë, mesazhet, figuracioni dhe elementet e tjera shprehëse më kanë nxitur t'u rikthehem disa poezive, të cilat kanë pësuar redaktim të thellë, të kenë tjetër sistemim në libër si dhe të nxjerr në pah eliptizimin, veti cilësore në poezinë moderne. Poezia është një udhëtim drejtë të panjohurës, ka thënë një i urtë. Shkrimi i saj është punë sizifi. Nuk lind kur ne duam. Latohet derisa ta vjelë maksimumim nga fjala. Për të gjallë të autorit krijimi është qenie e "gjallë", lëvizëse. Shkaku i një fjale, figure a strofe, autorët shpesh u kthehen teksteve. Edhe në Letrat shqipe ka shembuj. Poezia konsiderohet diçka hyjnore, ngërthen në vete dhe misterin. Vlerën nuk e përcakton sasia. Mbahen mend poetë edhe për një poezi. Ajo që nuk vdes, të vë në veprim vazhdimisht. Lumi nuk simbolizon vetëm fatin e tij tragjik. Aventurën time të bezdisshme në kërkim të sublimes nuk ia kam borxh vetëm kësaj qënieje.
Nuk i kam respektuar disa trajta të gjuhës standarde. Kam dëshiruar të "shpirtëroj" fjalën dhe ta mbaj gjallë kujtimin për Lumin.
