Titulli: Kebaria, vajza që lexonte bukur
Origjinali: Kebarie
Gjinia: Roman
Autori: Janja Vidmar
Shqipëroi: Nikollë Berishaj
Shtëpia botuese: Dituria
Viti: 2017
Fq. 128
Pesha: 0.221 kg.
ISBN: 978-9928-217-41-7
Mbi librin
Kebarie apo Kedi, siç e thërret babai i saj, është një vajzë rome, nga një kulturë tjetër, e cila shkon në një shkollë sllovene afër vendit ku jeton familja e saj. Ajo grindet shpesh me shokët e klasës, me mësuesen dhe këdo që e sheh si një rome, ndryshe nga të tjerët. Por ajo nuk ndihet mirë as në familje, sepse të gjithë i fshehin të vërtetën për të atin.
Historia, e ndarë sipas ditëve të javës, është shumë tërheqëse për lexuesit e rinj. Sidomos rrëfimi dinamik dhe plot befasi nga jeta e shkollës, plot aventura dhe me një gjuhë të pasur me shprehje rome, një histori që mbart mesazhe të forta rreth dallimeve midis njerëzve dhe mirëkuptimit midis tyre, dialogut multikulturor dhe shumëgjuhësisë, duke vënë në krye vlera themelore të njeriut, si dashuria, e vërteta, besnikëria etj.
Me gjithë sjelljen e vrazhdë të të rriturve, Kebaria ndihet e lirë, ajo ëndërron të bëhet mësuese me zemrën "si një libër i hapur" dhe me nxënës të cilët ajo do t'i mësojë njësoj, ngado që të vijnë...
Çfarë do të bëje ti, nëse babai yt do të zhdukej papritmas? Duket sikur askush nuk e di ku ka shkuar ai. Por ti e ndjen që diçka ka ndodhur. Diçka e tmerrshme. Dhe ai është njeriu më i dashur për ty. I vetmi që të ka pagëzuar me emrin e bukur "leximtare". Kurse në shkollë të tjerët të shohin shtrembër, ti mendon se je njeriu i vetëm të cilin askush nuk e do në bankë, që mësuesja e qorton pareshtur...
Një histori plot humor dhe të papritura për një vajzë të vogël rome, që do të fitojë zemrat tuaja – kaq e sinqertë, e dashur, e mençur, interesante, por edhe krenare, vajza që thotë atë që mendon, pavarësisht nga pasojat... është Kebaria.
Mbi autoren
Janja Vidmar është autore e librit "Kebaria, vajza që lexonte bukur". Një nga shkrimtaret sllovene më të vlerësuara të letërsisë për fëmijë e të rinj. Anëtare e Shoqatës së Shkrimtarëve Sllovenë, ajo është edhe drejtuese e Seksionit të Letërsisë për fëmijë dhe të rinj.
Janja Vidmar ka shkruar mbi 50 libra, shumë skenarë, drama për teatër dhe ka marrë shumë çmime kombëtare dhe ndërkombëtare për veprat e saj, si Çmimin Večernica, 1998; Çmimin Desetnica, 2006; Večernica 2008; Medaljen e Artë në konkursin ndërkombëtar letrar "Parole Senza Frontiere" në Trento, Itali, më 1999 dhe 2003. Librat e Janja Vidmarit janë përzgjedhur në Listat e Nderit të Ibby-t.
