Titulli: Na ishte njëherë, në shqip dhe anglisht
Origjinali: Once upon a time
Gjinia: Përralla
Autori: Margaret M. Hasluck
Shtëpia botuese: Korbi
Viti: 2006
Fq. 140
Pesha: 0.181 kg
ISBN: 978-99943-620-9-7
Koment nga Virgjil Muçi
"Once upon a time" me këtë togfjalësh që mbart e ushtron prej shekujsh që s'mbahen mend te dëgjuesit dhe lexuesit po atë pushtet magjepsës që ka çdo frazë dhe formulë magjike, shkon dhe i fton Margaret M. Hasluck bashkëkombasit e vet, por jo vetëm ata, në universin e përrallës së rrëfyer në shqip.
Bëhet fjalë për një përmbledhje të pazakontë me përralla, them të pazakontë, jo dhe aq për faktin se lexuesi i sotëm mund ta shijojë edhe në gjuhën angleze, përbri tekstit në shqip, por për faktin se si erdh e u ngjiz ky libër, në mos i humbur, i mbuluar prej pluhurit të harresës së viteve.
Duke bërë një përjashtim nga rregulli universal i përrallës, që thotë se janë të moshuarit ata që u tregojnë përralla të miturve, Hasluck na ofron 16 mbrëmje përrallore, sipas një rregulli të moçëm sa edhe përralla rrëfehet një përrallë për çdo natë, por këtë herë janë të vegjlit ata që tregojnë përralla në vend të të rriturve, emrat e të cilëve janë regjistruar dhe shënuar me kujdes nën titullin e përrallës.
Mbi autoren
Margaret Masson Hardie Hasluck u lind më 18 qershor 1885 në Skoci, ku edhe u diplomua në universitetin e Aberdinit në vitin 1907. Studimet pasuniversitare i vijoi në Kembrixh, të cilat i përfundoi më 1911. Martohet me Frederick William Hasluck dhe jeton me të në Athinë, prej kah ndërmarrin udhëtime në Turqi dhe vende të ndryshme të Ballkanit.
Më 1916, Frederick u sëmur nga turbekulozi dhe katër vjet më pas do të vdiste. Pas humbjes së bashkëshortit, Margaret Hasluck do ta ngrinte strehën e vet në Shqipëri, në Elbasan, ku do të kalonte 13 vjet nga jeta e saj (edhe sot e kësaj dite banorët e vjetër të qytetit mund të të tregojnë me gisht cotagge – n ku jetonte anglezja) duke u marë me studime antropologjike.
Me punën, dashurinë dhe përkushtimin e saj, Margaret Hasluck erdh e u shndërrua në një legjendë të gjallë për vendasit, ashtu si edhe pararendësja zëmadhe, Edith Durham. Me pushtimin e Shqipërisë nga Italia fashiste, në vitin 1939, Hasluck u largua nga Elbasani e u vendos fillimisht në Athinë dhe më pas në Kostandinopojë. Në 18 tetor të vitit 1948, Margaret Hasluck vdiq prej leuçemisë në Dublin.
