Titulli: Pinoku
Origjinali: Pinocchio
Gjinia: Roman
Autori: Carlo Collodi
Shqipëroi: Robert Anastasi
Shtëpia botuese: Extra
Viti: 2010
Fq. 184
Pesha: 0.201 kg
ISBN: 978-99956-16-45-8
Mbi librin
Marangozi Xhepeto gjeti në lumë një cung druri pishe. Me këtë ai skaliti një buratin druri, të cilin e quajti Pinocchio. Italisht druri i pishës quhet pino dhe syri quhet occhio. Nga bashkimi i këtyre dy fjalëve autori i librit formoi emrin Pinocchio (Pinoku). Librin e quajtur "Pinocchio" e ka shkruar italiani nga qyteti i Firences Karlo Kolodi (1826 - 1890).
Ky libër për fëmijë është përkthyer në mbi 80 gjuhë të botës dhe janë realizuar shumë filma. Kjo është historia e një buratini prej druri që flet, mendon dhe vepron si të ishte një fëmijë i vërtetë. Aty paraqiten të gjitha aventurat e këtij djali që e lë shkollën, që u beson këshillave të të këqijve dhe që nuk ndjek këshillat e njerëzve që ia donin të mirën.
Ai i nxjerr shumë telashe babait të vet Xhepeto, por më së fundi Pinoku, mbas shumë aventurash dhe pësimesh transformohet në një fëmijë të vërtetë dhe të rregullt. Mbi autorin Karlo Kolodi (pseudonimi i Karlo Lorencini) lindi në Firence më 24 nëntor 1826. Ai ishte gazetar (iu kushtua kryesisht kronikës dhe teatrit) dhe në vitin 1860 ishte redaktor teatri dhe i ngarkuar me shtypin në Prefekturën e Firences.
Ndër veprat e tij përmenden: "Rrëfimet e Zanave" (1876), "Giannettino" (1877), "Minuzzolo" (1878), "Njollat" (1879), "Sy e hundë" (1881), "Aventurat e Pinoku, historia e një kukulle prej druri" (1883), "Histori gazmore" (1887). Vdiq në Firence më 26 tetor 1890.
