Titulli: Shtatë leksione të shkurtra fizike
Origjinali: Sette brevi lezioni di fisica
Gjinia: Shkenca natyrore
Autori: Carlo Rovelli
Shqipëroi: Agim Doksani
Shtëpia botuese: Dudaj
Viti: 2017
Fq. 84
Pesha: 0.121 kg.
ISBN: 978-99943-0-494-3
Fragmente nga libri
Në rini, Albert Ajnshtajni e kaloi një vit duke u endur kot, pa bërë gjë prej gjëje. Po nuk e çove kohën dëm nuk arrin dot asgjë, gjë që për fat të keq prindërit e adoleshentëve shpesh e harrojnë.
Ndodhej në Pavia. Iu bashkua familjes pas braktisjes së studimeve në Gjermani. Ishte fillimi i shekullit dhe Italia po hidhte hapat e parë të revolucionit industrial. I ati, inxhinier, instalonte centralet e para elektrike në ultësirën padane.
Alberti lexonte Kantin dhe kur i shkrepte në kokë ndiqte leksionet në Universitetin e Pavias: për zbavitje, pa qenë i regjistruar dhe pa iu nënshtruar provimeve. Kështu bëhesh me tërë mend shkencëtar.
***
Ekzistojnë kufij, aty ku mësojmë, dhe digjet dëshira jonë për dije. Ndodhen në thellësitë më të imëta të indit hapësinor, në origjinën e kozmosit, në natyrën e kohës, në pashmangshmërinë e vrimave të zeza, dhe funksionimin e vetë mendimit tonë.
Këtu, në bordin e asaj që dimë, në kontakt me oqeanin e asaj që nuk dimë, vezullojnë misteri i botës, bukuria e botës, dhe na lënë pa frymë". I tillë është parakushti i këtyre "leksioneve të shkurtra", që na prijnë udhë, me transparencë të admirueshme, përmes disa etapave të pashmangshme të revolucionit që tronditi fizikën në shekullin XX dhe vazhdon ta tronditë sot e gjithë ditën; duke filluar nga teoria e relativitetit të përgjithshëm të Ajnshtajnit dhe mekanikës kuantike deri në çështjet e hapura që kanë të bëjnë me arkitekturën e kozmosit, grimcat elementare, gravitetin kuantik, natyrën e kohës dhe të mendjes.
Mbi autorin
Teoricien fizikan, anëtar i Institutit universitar të Francës dhe i Akademisë ndërkombëtare të filozofisë së shkencave, Carlo Rovelli është përgjegjës i Ekipit të Gravitetit kuantik të Qendrës së fizikës teorike të Universitetit Aix-Marseille. Ka botuar, ndër të tjera, Çfarë është shkenca, Revolucioni i Anaksimandrit (2011) dhe Realiteti nuk është ashtu si duket. Struktura elementare e gjërave (2014).
