Titulli: David Koperfildi
Origjinali: The personal history of David Kopperfield
Gjinia: Roman
Autori: Carls Dikens
Shqipëroi: Vedat Kokona
Shtëpia botuese: Botimet Kokona
Viti: 2013
Fq. 592
Pesha: 0.616 kg.
ISBN: 978-9928-4065-4-5
Mbi librin
Historia rrëfen jetën e David Koperfildit nga fëmijëria në pjekurinë e tij. Davidi ka lindur në Angli rreth viteve 1820. I ati i Davidit ka vdekur gjashtë muaj para se ai të lindte dhe pas shtatë vitesh, e ëma e tij martohet me Mister Eduard Mardston.
Davidit nuk i pëlqente njerku i tij dhe motra e njerkut, Xhejni, e cila vendoset në shtëpi pak kohë pas Mister Mardstonit. Mardstoni e rrihte Davidin sepse nuk shkonte mirë me mësimet. Një herë, gjatë këtyre rrahjeve, Davidi e kafshon në dorë Mardstonin dhe për këtë arsye dërgohet në një konvikt, Shtëpia e Salemit, më në krye një drejtor tepër të ashpër, Mister Krikëllin.
Në konvikt ai shoqërohet me Xhejms Stidforthin dhe Tomi Tredëllsin, me të vilët takohet sërish më vonë. Davidi kthehet në shtëpi në verë dhe sheh se e ëma kishte lindur një djalë. Pak kohë pasi Davidi shkon në konvikt, e ëma dhe fëmija vdesin dhe ai rikthehet në shtëpi. Mister Mardston e dërgon Davidin në një fabrikë në Londër, në të cilën Mardstoni ishte bashkëpronar. Davidi nuk ka asnjë njeri që të kujdeset për të në Londër dhe vendos të largohet. Ai ecën të gjithë rrugën nga Londra në Dover për të gjetur të vetmen të afërm të tij, tezen e tij Mis Betsin.
Mis Betsi pranon që ta rrisë, pavarësisht se Mister Mardstoni kërkon sërish kujdestarinë e Davidit. Tezja e quan Davidin "Trotvud David". Historia vazhdon dhe në jetën e Davidit hyjnë dhe dalin personazhe të shumtë, që e gjallërojnë romanin. Këtu përfshihet Pegoti, guvernantja e shtëpisë së nënës së tij, familja e saj dhe mbesa e tyre jetime Emilia. Një përsonazh tjetër i rëndësishëm është Anjeza Uikfild, e cila bëhet e besuara e Davidit. Davidi martohet me të bukurën dhe naiven Dora Spenlou, e cila vdes. Më pas, Davidi gjen lumturinë me Anjezën, e cila gjithnjë e kishte dashur.
