Erotizmi në letërsinë shqipe, Blerina Goce

Titulli: Erotizmi në letërsinë shqipe
Origjinali: Erotizmi në letërsinë shqipe
Gjinia: Antologji
Autori:Blerina Goce
Shtëpia botuese: Naimi
Viti: 2022
Fq. 312
Pesha: 0.394 kg
ISBN: 978-9928-234-77-3
Ky libër është në gjuhën shqipe

Mbi librin

Me monografinë “Erotizmi në letërsinë shqipe”, shoqëruar me një antologji, Blerina Goce është e para autore shqiptare që i vë qëllim vetes të gjejë kufijtë midis lirikës së dashurisë dhe lirikës erotike, duke naviguar nëpër ngushticat terminologjike po aq sa edhe në një mjedis të pajtuar me erzin letrar dhe namuzin gjuhësor; ca më shumë me mendësinë fisnore tradicionale që përcaktonte kufij të rreptë për çka nuk mund të flitej.

Në këtë monografi kemi një pamje tërësore të pranisë së erosit në letërsinë shqipe, duke filluar prej A. Z. Çajupit, Mitrush Kutelit, Ali Asllanit dhe Migjenit; duke mos lënë jashtë vëmendjes sprovat erotike të Fan Nolit; duke u kushtuar vëmendje edhe atyre krijimeve erotike që për një arsye a një tjetër kanë mbetur adespote (pa zot) ose u janë bashkuar poetëve të tjerë si apokrife të tyre. Edhe në rastet kur erotizmi është i pranishëm me mbulesë tjetër (me kamuflim, siç shprehet studiuesja), përcaktimet janë të sakta. Kjo vlen për mënyrën si përcaktohet erotizmi tek Naimi, po aq edhe tek Agolli (erotizmi popullor), me erotizmin e kodifikuar të Lasgushit. Më tej autorja analizon praninë e erotizmit te I. Kadare, D. Agolli, Migjeni, E. Koliqi, Koço Kosta, por edhe emrat e një brezi të ri krijuesish si Pano Taçi, Agron Tufa, Virion Graçi etj.