Titulli: Haremi i Gadafit, e vërteta tronditëse e skllaveve të fshehta seksuale të Gadafit
Origjinali: Les proces: Dans le harem by Kadhafi
Gjinia: Roman
Autori: Annick Cojean
Shqipëroi: Urim Nerguti
Shtëpia botuese: Botimet Morava
Viti: 2014
Fq. 256
Pesha: 0.319 kg
ISBN: 978-9928-169-48-8
Mbi librin
Jeta e Sorajës, një vajze pesëmbëdhjetëvjeçare, merr rrokopujën një mëngjes të vitit 2004, kur president Gadafi viziton shkollën e saj dhe e ul dorën mbi kokën e saj duke ia përkëdhelur flokët. Vajza ndihet krenare dhe e lumtur nga takimi me presidentin, nuk e di se sakaq është dënuar.
Përkëdhelja e flokëve është një sinjal, që do të thotë: “kjo vajzë është imja”. Të nesërmen, Sorajën e marrin dhe e çojnë në haremin e presidentit. Dhe kështu bëhet një skllave seksuale. Për vite me radhë, e mbajnë peng, duke e rrahur, përdhunuar, shtrënguar për marrëdhënie të gjithfarshme, detyruar të shohë filma pornografikë “për të mësuar”, nënshtruar kontrolleve të vazhdueshme mjekësore për të qenë gjithnjë në dispozicion të një tirani të fiksuar pas seksit, që e poshtëron me çdo lloj mënyre. I vjedhin virgjërinë dhe rininë, duke e lënë pa të ardhme të respektueshme në shoqërinë libiane.
Pasi ka qarë e vajtuar, familja tanimë e sheh si një të përdalë, që e ka të pamundur t’i kthehet rrugës së drejtë. Por Soraja është thjesht maja e ajsbergut, pasi si ajo ka me mijëra. Teksa presidenti mburreshe në publik për promovimin e emancipimit femëror, emisarët e tij sulmonin ethshëm shkollat, universitetet, dasmat në kërkim të preve të freskëta.
Janë të shumta jetët e thërrmuara nga abuzimet, të grave të reja, por edhe të burrave, që shërbenin për të përmbushur dëshirat e Gadafit. Tri herë viktima: të dhunës, të çnderimit dhe të heshtjes që pllakosi pas fundit të regjimit.
Komente mbi librin
“Është një dokument tronditës. Një hulumtim i kryer me guxim dhe me vështirësi, pasi këto krime janë tabu në Libi. Madje edhe sot.”
Caroline de Malet, Le Figaro
“Një vit hulumtim për të nxjerrë një raport tronditës.”
Sette, Corriere della Sera
“Duke ndjekur këtë hulumtim të spikatur, rijeton makthin. Haremi i Gadafit dëshmon për një sistem të tërë që e përdorte përdhunimin si armë terrori.”
Marie Claire
“Në këtë vështrim të tmerrshëm nga brenda jetës së grave libiane nën regjimin e Gadafit, Annick Cojean, korrespondentja e posaçme e Le Monde, ka krijuar një vepër të fuqishme dhe bindëse që do ta mbërthejë lexuesin... Një ekspoze gazetareske, që nuk mund të mohohet dhe që lexuesit s’kanë për ta lëshuar nga dora.”
Booklist
