Titulli: Kampeve nën hijen e Tomorrit
Kategoria: Kujtime
Autori: Simon Mirakaj
Botues: Pakti
Viti i botimit: 2024
Faqe: 234
Pesha: 0.25 kg
ISBN: 9789928129406
Ky libër është në gjuhën shqipe
Pjesë nga hyrja
Këto kujtime i kam hedhur në letër pas një periudhe të gjatë hezitimi. Kjo mbase sepse subjektet i kisha gjithnjë të freskëta në mendje që më ndiqnin pa mëshirë gjatë viteve pas rënies së komunizmit.
Por vjen një moment - kur koha bën të vetën - dhe pamjet e tmerrit dhe të pësimeve erdhën duke m'u zbehur- thuajse pësimet kaluan në harresë. Atëherë vendosa t'i ripërsëris ngjarjet më mbresëlënëse - fillimisht në mendje - deri sa morën trajtën e këtyre rrëfimeve.
Sado të zbehta që mund të duken këto rrëfime - krijojnë idenë e realitetit të ashpër dhe mjeran të kampeve.
Kampet ku familjet tona vuajtën dënimin - të rrethuara me tela me gjemba si Tepelena apo vendvuajtjet e tjera si Shkodra, Berati, Gjaza dhe Savra- gjithsesi shërbejnë për të rikujtuar kohën e Shqipërisë në diktaturë mes viteve 1945 dhe 1989. Mjaft nga tregimet në lidhje me vitet e para të jetës në internim, i kam ruajtur në kujtesë gjatë rrëfimeve të nanës sime Kunes, e cila na mbajti gjallë kujtimin e tim eti Palit, si një nga krerët e çetave antikomuniste në veri në vitet 1944-1951, i cili vdiq në Neë York më 1978 pa e parë kurrë.
Kur unë dhe familja Mirakaj u lamë të lirë, u desh kohë të perceptonim jetën jashtë kampeve dhe ta ndërtonim atë. Në këto rrëfime jam munduar që të sjell tematika që përveç përndjekjes - lidhen me moshën rinore dhe të dashurisë. Në këtë kohë njeriu nis dhe fantazon për lirinë - sado i varfër qoftë. Por kur ballafaqohet me pjesën më impresionuese të moshës së dashurisë - shkrimi bëhet më i zorrshëm.
Jam munduar ta përcjell këtë aspekt të luftës së klasave mes të internuarve dhe "të lirëve" në Lushnje. Pre e së cilës kanë rënë një mori të rinjsh nën diktaturën e sistemit komunist që imponoi seleksionimin politik duke e kthyer lindjen e natyrshme të çiftit në tabu.
Dhjetor, 2023
