Titulli: Bij dhe dashnorë
Origjinali: Sons and lovers
Gjinia: Roman
Autori: D. H. Lawrence
Shqipëroi: Krenar Hadëri
Shtëpia botuese: Pegi
Viti: 2016
Fq. 528
Pesha: 0.557 kg.
ISBN: 978-9928-200-23-5
Mbi librin
"Bij dhe dashnorë" është portretizimi i parë modern i një fenomeni që më pas, falë Frojdit, do të njihej si kompleksi i Edipit. Kurrë s'ka pasur djalë më të varur nga dashuria e nënës dhe më të mbushur me urrejtje për të atin sesa Pol Moreli, protagonisti i këtij romani.
Kurrë, me përjashtim ndoshta të vetë autorit D. H. Lawrence. Në këtë roman, ai kacafytet me dashuritë e papajtueshme që do t'i faniten tërë jetën: e dashura e tij shpirtërore e fëmijërisë dhe nëna e tij.
Duke përdorur fjalët e vetë Lawrence – it, ky libër ka për qëllim të përshkruajë sundimin e një gruaje, e cila "teksa bijtë e saj rriten, i kthen ata në dashnorë, në fillim të parin e pastaj të dytin. Dashuria reciproke për nënën i nxit këta djem të dalin në jetë, vazhdimisht e pareshtur. Por kur burrërohen, nuk mund të dashurojnë, sepse nëna është prania më e fuqishme në jetën e tyre, ajo i mban të lidhur pas vetes."
"Bij dhe dashnorë" i zhvesh krejtësisht shpirtrat e burrave. Pak libra tregojnë një të vërtetë kaq të plotë e të pështjelluar mbi dashurinë që ndryshon, kaq vendosmërisht e pavendosur. Është gati përcëlluese një prekje e tillë e njerëzimit.
Komente mbi librin
"Si mund të jetojmë një jetë më të mirë, më të përmbushur? Një tematikë e rëndë, me përmasa të mëdha, me të cilën pak shkrimtarë kanë guxuar të përballen. E megjithatë, ai ia ka dalë mbanë triumfalisht. Në gjithë letërsinë, romani "Bij dhe dashnorë" nuk i gjendet shoku. Është një libër shumë i rëndësishëm, i shkëlqyer."
The Guardian
"Dashuria e tij e fortë për të ëmën, në luftë me nevojën për të ndjekur dëshirat e tij, e analizuar në mënyrë të pamëshirshme e me imazhe ngjethëse, i japin kësaj vepre një fuqi që i qëndron sprovës së kohës."
Sunday Times
"Të rilexosh "Bij dhe dashnorë" të bën të ndihesh sërish i mbushur, edhe më shumë se herën e parë, me të vërtetën e asaj shprehjes së vjetër të Leavis – it: "Këtu rrjedh jeta"..."
London Review of Books
