Titulli: Maksima
Origjinali: Maximes
Gjinia: Maksima
Autori: La Roshfuko
Shqipëroi: Kastriot Mahilaj
Shtëpia botuese: EMAL
Viti: 2009
fq. 188
Pesha: 0.221 kg.
ISBN: 978-99956-47-29-X
Mbi librin
Duka La Roshfuko është një nga njerëzit e rrallë të kësaj bote që lindin pas vdekjes, po të perifrazonim një thënie të Niçes. Krijimtaria e tij e kursyer i ka të rralla shoqet sa i takon ngasjes për debate e polemikë. Diskutimet e zjarrta nisën që në botimin e parë të tyre më 1665 dhe vazhdojnë deri sot e kësaj dite.
Leximi i maksimave dhe refleksioneve morale të La Roshfukosë i ngjan kuvendimit me një zotëri që thotë gjëra të reja pothuaj të padëgjuara dhe në një mënyrë gjithaq të pashoqe. Ti befasohesh dhe nuk kupton tamam nëse befasia të vjen nga çka ai thotë, apo nga mënyra se si e thotë. Mes rreshtave të maksimave seç ka një joshje enigmatike që të kujton atë të efektit të Mona Lizës.
Mbi autorin
François de la Rochefoucauld (1613-1680) qe aktiv në fushëbetejat e luftës dhe të politikës si dhe në sallonet letrare parisiane. Me maksimat ai synoi "të tregonte lakuriq zemrën njerëzore" duke u grisur maskën false plot virtyte sipërfaqësorë. Maksimat janë një leksion i madh sinqeriteti dhe një kryevepër proze të kthjellët e të përpiktë.