Skënderbegasit ndër vite, pjesa e parë, Kujtim Boriçi, Maksim Fejzulla

Titulli: Skënderbegasit ndër vite, pjesa e parë (kopertina e trashë)
Origjinali: Skënderbegasit ndër vite, pjesa e parë
Gjinia: Arkiva, personalitete, kujtime
Autori: Kujtim Boriçi, Maksim Fejzulla
Shtëpia botuese: ASD Studio
Viti: 2016
Fq. 728
Pesha: 1.193 kg.
ISBN: 978-9928-4307-4-8

Koment nga Arben Duka

Që në fillim do të thosha që libri "Skënderbegasit ndër vite" i autorëve Kujtim Boriçi e Maksim Fejzulla është një libër i munguar dhe i shumëpritur për Shkollën e Përgjithshme Ushtarake "Skënderbej" dhe për skënderbegasit e mrekullueshëm që ishin e ende janë bërthama e ushtrisë shqiptare dhe shtresa më vitale e shoqërisë sonë.

Pa asnjë mëdyshje, për mua, ky libër mund të quhet një historik i kësaj shkolle të lavdishme në Shqipëri. Them kështu jo vetëm për materialin e paraqitur në rreth 800 faqe të tij, po dhe për faktin se ky material është vetëm pjesa e parë e librit që do të pasohet më tej në vazhdim nga autorët...

Kjo do të bëjë që historiku i kësaj shkolle të jetë sa më i plotë për të pasqyruar një nga krenaritë e arsimit shqip për gati gjysmë shekulli, të protagonistëve të dekadave, mësuesve, komanduesve, ish – skënderbegasve që kanë arritur të bëhen ndër vite ministra, deputetë, presidentë, shkencëtarë, artistë e sportistë të kalibrit botërorë, duke ia ngritur më lart prestigjin e dinjitetin vendit dhe shkollës ku morën dijet e para e nisën rrugëtimin e gjatë në jetë.