Arvanitet dhe prejardhja e grekeve, Aristidh P. Kola

Titulli: Arvanitët dhe prejardhja e grekëve, vështrim historik - folklorik - politik – gjuhësor
Gjinia: Histori
Autori: Aristidh P. Kola
Shqipëroi: Aldior Agora, Leonard Agora
Shtëpia botuese: Toena
Viti: 2008
Fq. 512
Pesha: 0.801 kg
ISBN: 978-99943-1-434-8

Mbi librin

Libri hedh një vështrim historik, folklorik, politik dhe gjuhësor mbi lidhjet e mundshme midis arvanitasve me helenët e lashtë, dhe synon vërtetimin e çështjes nëse "arvanitasit janë krijuesit e Greqisë së Re".

"Shumë njerëz na e kane vënë në dyshim lidhjen e drejtëpërdrëjtë dhe afërsinë me këtë popull të lashtë helen", shprehet autori në parathënien e librit, ndërsa shpjegon më tej se "u dhanë shumë përgjigje nga intelektualët grekë, që ishin të detyruar t'i pranonin si greke, arvanitasit kryengritës të 1821-it dhe si rrjedhim nuk do të ishte e mundur të arsyetonin shumë gjëra si p.sh. që gjysma e tyre u shndërruan në mysilmanë gjatë pushtimit turk dhe më e rëndësishmja, që flisnin një gjuhë barbare".

Sipas tij arvanitasit, ashtu si helenët e lashtë, shquhen se "brenda tyre ekziston një ballafaqim i barabartë dhe i vazhdueshëm i një progresiviteti dhe konservatorizmi".Libri ndahet në pesë pjesë në të cilat shpjegohet epoka historike, zbritja e arbëreshëve në Greqi, krahasimi gjuhësor greqisht-shqip, arbëreshët e neohelenizmit, vitet e para të okupacionit turk, si dhe karakteristikat dalluese të arvanitasve.

Mbi autorin

Aristidh Kola lindi në Greqi më 1944 në fshatin Kaskaveli të qytetit të Fivës në rrethin e Tebës. Mbaroi studimet e larta në Universitetin e Athinës (fakulteti juridik) dhe punoi për shumë kohë si avokat. Më 1985 u detyrua të linte profesionin e avokatit për t'u arrë me studimin e Arvanitasve, ku në të njejtën kohë iu besua detyra e Kryetarit të Lidhjes së Arvanitasve të Greqisë.

Bëri të mundur me përpjekjet e tij personale rizgjimin e lëvizjes kulturore dhe kombëtare të traditës arvanitase. Më 1995 nis botimin e revistës "Besa" dhe të revistës 2 mujore "Arvanon". Shënim: Ky titull bën pjesë në librat & autorët më të shitur për vitin 2009.