Titulli: 100 vjet pavarësi
Origjinali: 100 vjet pavarësi
Gjinia: Album, histori
Autori: Ndriçim Kulla
Shtëpia botuese: Plejad
Viti: 2012
Fq. 208
Pesha: 1.13 kg
ISBN: 978-99956-57-84-0
Koment nga autori
Ky është një album i cili i kushtohet 100 vjetorit të lirisë politike të popullit shqiptar. I konceptuar si një histori imazhi në mënyrë të ilustruar dhe të komentuar është strukturuar ngjashmërisht si shumë albume të tjerë të sistemuar me fotografi, të cilët i janë servirur lexuesve tanë edhe më parë edhe në sisteme të ndryshme qeverisjeje, në vigjilje të përvjetorëve të ndryshëm të Pavarësisë. Por, meqënëse me njëqindvjetorët brezat takohen fare rrallë pretendojmë se në këtë përpjekje jemi munduar që të përfshijmë të gjitha periudhat kohore qoftë edhe ato "të mallkuara" e të ndaluara, të gjithë personazhet dhe elitarët, që kanë luajtur një rol dhe kanë lënë gjurmë në historinë tonë kombëtare, që nga shpallja e Pavarësisë Kombëtare deri në ditët e sotme, të cilat më së shumti për arsye politike, por edhe subjektive janë anashkaluar në forma të ndryshme censure ose janë përbuzur dhe dënuar si të padenjë për t'u përmendur. Historia e një shteti shkruhet saktësisht nisur nga ngjarjet, kontribuesit dhe veprat e rëndësishme që ata kanë lënë përgjatë gjithë historisë së zhvillimit të tij. Nga ana tjetër, një histori moderne dhe shkencore sot përfshin jo vetëm historinë politike, por sidomos atë kulturore, fetare, ekonomike, ushtarake e kështu me radhë.
