Kriza botërore, Winston S. Churchill, vol. 1

Titulli: Kriza botërore, vëllimi i parë
Origjinali: A history of the english – speaking peoples
Gjinia: Histori
Autori: Winston S. Churchill
Shqipëroi: Fatmir Dibra
Shtëpia botuese: Fan Noli
Viti: 2006
Fq. 292
Pesha: 0.432 kg.
ISBN: 978-99943-831-5-9

Fragment nga libri

Sa i madh ishte kontrasti mes atmosferës së konferencës së paqes të vitit 1919 dhe atyre kushteve, në të cilat u mblodh Kongresi i Vjenës i vitit 1814. Në vitin 1814, aleatët fitimtarë zotëronin, faktikisht, gjithë Europën. Ata kishin mundësinë e plotë fizike që t'ia diktonin vullnetin e tyre gjithë botës.

Në vitin 1919 rreziqet ishin shumë më të mëdha, ndërsa aleatët më të lodhur; krahinat e gjera dhe faktorët e jashtëzakonshëm mbeteshin jashtë kontrollit të tyre. Në vitin 1814, në një mjedis të bukur dhe solemn të mbledhjeve private, u mblodh grupi i aristokratëve, të cilët gjatë gjithë jetës kishin mësuar se si t'i drejtonin punët e shtetit dhe të diplomacisë, të lodhur deri në fund nga lufta dhe nga ndryshimet e papara; qëllimi i tyre ishte të rivendosnin e të forconin rendin tradicional shoqëror pas tronditjeve njëzetvjeçare.

Në vitin 1919 çështjet i vendosnin tribunët e popullit dhe liderët e masave popullore, të cilët ishin ngjitur mes rrëmujës së ashpër të luftës partiake deri në lartësitë marramendëse të pushtetit e të fitores dhe me frikën që përfaqësonte në vetvete për ta forca e mendimit shoqëror, e cila ekuilibronte themelin e pasigurtë e të ndryshueshëm. Të gjitha ata pretendonin që t'i siguronin njerëzimit një të ardhme më të mirë.