Miti arian, Leon Poliakov

Titulli: Miti arian, ese për burimet e racizmit dhe nacionalizmave
Origjinali: Mythe arien: essay sur les sources du racisme et des nationalismes
Gjinia: Histori
Autori: Leon Poliakov
Shqipëroi: Miço Gubera
Shtëpia botuese: Plejad
Viti: 2014
Fq. 385
Pesha: 0.401 kg.

Fragment nga libri

Nga viti 1940 deri në vitin 1944, dallimi më i rëndësishëm ndërmjet banorëve të Europës kontinentale ishte ai ndërmjet Arianëve dhe Semitëve. Në të vërtetë, njerëzit që i përkisnin kategorisë së parë kishin të drejtë të jetonin, ndërsa ata që i përkisnin kategorisë së dytë ishin dënuar me vdekje; në pjesën më të madhe të rasteve, gjatë katër vjetëve, ky vendim u zbatua.

Dhe arsyet për këtë gjendeshin të pasqyruara në një letërsi të bollshme, që sot është harruar: për këtë mjafton të citojmë autorin më me ndikim të asaj kohe, Adolf Hitlerin:

"Çifuti...nuk e përmbush kushtin më thelbësor për një popull të qytetëruar: ai nuk ka idealizëm... Ai është dhe mbetet paraziti tip, qelepirxhiu që, ashtu si një bacil i dëmshëm, shtrihet gjithnjë e më larg, në qoftë se një tokë e favorshme e tërheq dhe e pranon.

Atje ku vendoset ai, populli që e pret, pas një farë periudhe zhduket...Ai helmon gjakun e të tjerëve, por mbron të tijin nga çdo përzierje...Për të fshehur qëllimet dhe për të vënë në gjumë viktimat ai nuk resht së foluri për barazinë e gjithë njerëzve, pa dallim race dhe ngjyre....

Në dukje, ai ka për qëllim të përmirësojë kushtet e punës; por në realitet qëllimi tyre është
t'i shndërrojnë në skllevër dhe më pas, t'i zhdukin të gjithë popujt jo-çifutë... Djali Çifut me flokë të zinj xhufkë, për disa orë, me fytyrë që i shkëlqen nga një gëzim satanik, vajza që nuk është e vetëdijshme se ai po i fëlliq gjakun dhe ia rrëmben popullit nga i cili ajo ka dalë.

Me të gjitha mënyrat ai përpiqet të shkatërrojë bazat mbi të cilat ngrihet raca e popullit që ai përpiqet të bëjë për vete... Kanë qenë dhe janë ende Çifutët që sollën zezakun në Rin, gjithmonë me të njëjtin qëllim të fshehtë e të qartë: të shkatërrojë nëpërmjet bastardimit si rezultat i përzierjes, këtë racë të bardhë që ata e urrejnë, ta bëjnë që të bjerë nga niveli i lartë i qytetërimit dhe organizimit politik".