Grekët, vendi dhe njerëzit që nga koha e luftës, James Pettifer

Titulli: Grekët, vendi dhe njerëzit që nga koha e luftës

Origjinali: The Greeks, the land and people since the war

Gjinia: Histori

Autori: James Pettifer

Shqipëroi: Xhevdet Shehu, Genc Shehu

Shtëpia botuese: Iceberg

Viti: 2013

Fq. 392

Pesha: 0.445 kg

ISBN: 978-992841407-6

Komente mbi librin

Ky botim i veçantë mbi Greqinë e pasluftës vjen në momentin më të përshtatshëm, në një kohë kur interesi për të është rritur si asnjëherë dhe kur shumëkush kërkon t’ju japë shpjegim rrënjëve dhe arsyeve të krizës së rëndë që ka mbërthyer sot këtë vend. Askush nuk mund ta kryente më mirë këtë mision njohës e ndriçues, se sa një mjeshtër i historisë dhe çështjeve ballkanike, siç është James  Pettifer. Nga njëra anë, metoda e qasjes gjithëpërfshirëse, dhe nga ana tjetër analizë e hollë e realitetit të sotëm grek, në të gjithë përbërësit e tij dhe larg skemave idilike që i janë imponuar historiografisë mbi Greqinë qysh nga koha e Eomanticizmit evropian, i mundësojnë lexuesit të kuptojnë “shpirtin”, apo më saktë, “shpirtrat” që kanë përcaktuar rrugëtimin historik të grekëve posaçërisht në këto dekada të fundit.

Greqia kozmogonike e lashtësisë, ajo e demokracisë, e filozofisë, historiografisë dhe e arteve vazhdon padyshim të ekzistojë edhe në Greqinë e sotme. Por, Pittifer na zbulon se kësaj Greqie idilike, i mbivendoset shpesh herë alter ego e saj, Greqia e diktaturës dhe e demagogjisë, Greqia e rentës dhe e mitologjisë, Greqia e mjerimit ekonomik e kulturor, Greqia e flirteve sa me Perëndimit aq edhe me Lindjen, Greqia egocentrike dhe e vetëkënaqur, që shpesh herë pritet të konfliktohet jo vetëm me fqinjët e varfër ballkanikë, por edhe me partnerët e fuqishëm globalë. Drite-hijet e Greqisë së sotme evidentohen në lidhjen e ngushtë të tyre më sistemet politike, ekonomike e juridike, me edukimin, me sjelljet, me psikologjinë, stilin dhe me mënyrën e jetesës së grekëvë modern.

Prof. Dr. Pëllumb Xhufi