Hanibali, Kapërcimi i Alpeve dhe beteja e Trebias, Livi

Titulli: Hanibali, Kapërcimi i Alpeve dhe beteja e Trebias
Origjinali: Ab Urbe Condita Libri
Gjinia: Histori
Autori: Livi
Shqipëroi: Gjergj Erebara
Shtëpia botuese: Shtëpia e Librit
Viti: 2019
Fq. 64
ISBN: 978-9928-4456-3-6

Mbi librin dhe autorin

Titus Livius Patavinus, lindur rreth viteve 64-59 p.e.s., vdiq rreth viteve 12-17 të e.s., i njohur më së shumti si Titus Livi ose Tit Livi, ishte një historian romak. Ai shkroi një vepër monumentale mbi historinë e Romës dhe popullit romak, “Ab Urbe Condita Libri” (Libra nga themelimi i qytetit) ku mbulohen ngjarjet që nga themelimi mitik i qytetit më 753 p.e.s. deri te sundimi i Augustit. Ai ishte në një marrëdhënie miqësore me dinastinë Julio-Klaudiane dhe këshillonte nipin e madh të Augustit, perandorin e ardhshëm Klaudius, se duhej të shkruante histori.
Megjithatë, mbi jetën personale të Livit dihen jashtëzakonisht shumë pak gjëra.
Besohet se ka lindur në Patavium në Italinë e veriut (sot Padova). Data e lindjes nuk është e qartë, por dihet se qyteti i tij i lindjes ishte shumë i pasur dhe më i madhi në provincën e Galisë së Afërme, ose Galisë Cisalpine.
Livi jetoi në një periudhë trazirash të mëdha politike dhe luftërash të shumta civile. Vepra e tij, “Historia e Romës”, u shkrua mes viteve 29 p.e.s. dhe 9 të e.s. Në variantin origjinal, kjo vepër përbëhej nga 142 libra, nga të cilët, 35 vijojnë të ekzistojnë edhe sot.
Pjesa e mbijetuar e veprës së tij është bërë referencë për historinë e Romës për vitet 219-166 p.e.s., ku pjesa më e pëlqyer dhe që vijon të lexohet edhe sot, është periudha e Luftës së Dytë Punike.
Historia e Romës nga Livi përbëhej prej 142 librash, nga të cilët, 35 kanë mbijetuar.
Ky është libri mbi udhëtimin e jashtëzakonshëm të ushtrisë së Hanibalit nga Spanja për në Itali.